Los grands periòdes istorics

Tradicionalament, se devesís l'istòria en quatre periòdes :

• L'Antiquitat comença amb l'invencion de l'escritura e dura, tradicionalament, fins a la fin de l'Empèri Roman d'Occident en 476.
  • Coma cada civilizacion a pas inventat l'escritura al meteis moment, las civilizacions e las regions del monde son pas dintradas dins l'istòria al meteis moment. Per exemple, Egipte coneissiá l'escritura ja en 3200 ab. J. C., mentre que las inscripcions latinas mai ancianas son de 660 ab. J. C.
  • I a de civilizacions qu'inventèron pas jamai l'escritura e dintrèron dens l'istòria en passant sos una dominacion estrangièra ; es lo cas, per exemple, d'una granda part de l'Africa negra.

• L'Edat Mejana comença amb la destruccion de l'Empèri Roman d'Occident pels barbars, qu'es acabada en 476, e finís en 1492 amb la descubèrta d'America per Cristòl Colomb. D'unes la fasián fenir en 1453, qu'es l'annada de la presa de Constantinòble pels turcs e de la fin de l'Empèri Bizantin o Empèri Roman d'Orient.

• L'Edat Modèrna comença en 1492 e va fins a 1789, qu'es lo començament de la Revolucion Francesa.

• L'Edat Contemporanèa comença en 1789 e continua encara uèi.

Aquela division dels temps istorics correspond a una vision europeocentrista de l'Istòria e es de mai en mai criticada.