Les sans pagEs
Les sans pagEs (Las sens paginAs en occitan) es un projècte de la version francofòna de Wikipèdia iniciat en julhet de 2016, dont l'objectiu es de luchar contra los desequilibris de genre suls articles de l'enciclopèdia. L'activitat principala del grop consistís a redigir de paginas biograficas sus de femnas notòrias.
Istòria
[modificar | Modificar lo còdi]Lo projècte es creat a l'estiu 2016 per una contributritz de Genèva[1],[2],[3],[4]. Inspirat de l'iniciativa Women in Red sus la version anglofòna de Wikipèdia, lo projècte vòl luchar contra los desequilibris de genre sus la version francofòna de l'enciclopèdia en linha. Constatant l'escart entre lo nombre de paginas biograficas masculinas e femininas (mens de 20 % de las biografias concernisson de femnas), los contributors e las contributritz del projècte remèdian a aqueste biais en creant especificament de paginas biograficas de femnas. En 2020, les sans pagEs estiman aver permés la creacion de mai de 5000 paginas biograficas sus de femnas après 4 ans d'existéncia[5],[6].
En marge d'aquesta activitat de creacion de novèlas paginas, lo projècte es tanben actiu al sen de la comunautat wikipediena per d'accions de sensibilizacion[7],[8]. Les sans pagEs critican atal los biais d'escritura, coma per exemple definir una femna per rapòrt a son marit o sa familha, o la subrepresentacion de contributors masculins sus Wikipédia e sas consequéncias. Lo projècte lucha tanben contra la josreprentacion de las biografias de personas trans e victimas de racisme[6].
Orientat dempuèi sa creacion per la formacion e la mesa en plaça de talhièrs d'escritura, lo movement organiza mantun encontres d'edicions dins diferentas vilas, en Soïssa, en França o en Tunisia[2],[3],[6],[9],[10].
Associacion
[modificar | Modificar lo còdi]Dempuèi 2017, una associacion eponima existís en Soïssa per sosténer las diferentas activitats e extensions del projècte, notadament en amassant de fons per l'organizacion d'eveniments[6],[7],[10].
Nòtas e referéncias
[modificar | Modificar lo còdi]- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Les sans pagEs ».
- ↑ (fr) Christine Siméone, Wikipedia : la revanche des femmes est en route, France Inter, 14 d'octobre de 2017.
- ↑ 2,0 et 2,1 (fr) Nelly Lesage, Sur Wikipedia, les sans pagEs rédigent des biographies de femmes, Numerama, 24 de febrièr de 2018.
- ↑ 3,0 et 3,1 (fr) Patrick Monay, Pas à pas, les femmes deviennent plus visibles sur Wikipédia, 24 Heures, 7 de febrièr de 2017.
- ↑ (fr) Lucas Latil, Seulement 17% de biographies de femmes sur Wikipédia, mais pourquoi ?, Madame Figaro, 25 d'octobre de 2018.
- ↑ (fr) Liliane Charrier, Les "sans pagEs" en action : 5000 femmes de plus en quatre ans sur Wikipédia francophone, TV5 Monde, 7 de març de 2020.
- ↑ 6,0 6,1 6,2 et 6,3 (fr) Chams Iaz, Wikipédia: un collectif pour que les femmes ne soient plus des «Sans pagEs», Le Temps, 19 de junh de 2020.
- ↑ 7,0 et 7,1 (fr) Hélène Combis, Wikipédia : seulement 18% de pages pour les femmes, France Culture, 9 de genièr de 2020.
- ↑ (fr) Laure Besnier, Sur Wikipédia, les sans PagEs font la chasse aux inégalités de genre, ActuaLitté, 17 de mai de 2018.
- ↑ (fr) Thierry Noisette, Natacha, contributrice de Wikipédia : "Il y a moins d'articles sur les femmes !", L'Obs, 13 de julhet de 2018.
- ↑ 10,0 et 10,1 (fr) Noémie Leclercq, Sur Wikipédia, parité en bande organisée, Le Monde, 07 de junh de 2019.
Veire tanben
[modificar | Modificar lo còdi]| Sus d'autres projècte de Wikimedia: | |
 |
Commons |