Lenor Isliàmov

Lenor Isliàmov (en rus: Ленур Эдемович Ислямов, en transcripcion internacionala: Lenur Islyamov; 20 de junh de 1980) es un entrepreneire tatar de Crimèa. Es lo proprietari del canal ATR, lo primièr canal de television dels tatars de Crimèa e una de las cadenas mai vistas pels crimeans. En 2013 produsiguèt un film, Khaitarma, que narra la tragedia de la deportation qu'aguèron de patir los tatars de la peninsula de Crimèa que faguèron que 4 de cada 10 deportats moriguèron durant son exili forçat. Es un dels personatges mai importants dins las tentativas de recuperacion e difusion de la lenga tatara. Dempuèi l'invasion russa de Crimèa, Isliàmov e son entrepresa patiguèron de la censura exercida pel govèrn de Vladímir Pótin que demandèt en març de 2014 lo tampament del canal ATR.

Pasmens, las causas cambièron drasticament a partir del 2 d'abril, que l'entrepreneire foguèt un dels dos tatars, amb Zaur Smirnov lo vicepresident del Mejlis, causits per dintrar dins lo govèrn crimean dins la temptativa de participacion dels tatars de Crimèa al governament de l'airal per pèrdre pas de pes dins lo futur politic del territòri.

Lo 28 de mai de 2014, Isliàmov se vegèt relevat de sas foncion contra lo vejaire del Mejlis e foguèt remplaçat per un autre tatar mai contestat qu'a aparentament un casièr judiciari per desviament de moneda, Roslan Balbek.

Referéncias

<references>