Vladímir Pótin

Un article de Wikipèdia, l'enciclopèdia liura.
Anar a : navigacion, Recercar
Vladímir Pótin
Imatge illustratiu de l'article Vladímir Pótin
Foncions
President de Russia
En foncion dempuèi lo 7 de mai de 2012
Predecessor Dmitri Medvédev
Primièr ministre de Russia
8 de mai de 20087 de mai de 2012
Predecessor Viktor Zubkov
Successor Dmitri Medvédev
Biografia
Data de naissença 7 d'octobre de 1952
Luòc de naissença Leningrad, Union Sovietica
(ara Sant Petersborg, Russia)
Partit politic Yedinaya Rossiya - YR

Vladímir Vladímirovich Pótin (Владимир Владимирович Путин; Leningrad, 7 d'octobre de 1952) es un politician rus. Es actualament lo President de Russia dempuèi 2012. Foguèt president de captalat de Russia de 1999 a 2000 e 2008 puèi elegit president de Russia de 2000 a 2008.
La gestion de Pótin se caracteriza per un fòrt autoritarisme, eiretat de son temps passat a dirigir lo KGB, que mena sovent a l'eviccion de las personas que pòscan criticar o afeblir son poder. Aital dempuèi son accession al poder se produsiguèron d'eveniments que li foguèron plan favorables; lo politician ucraïnian Víktor Ioshchenko foguèt victima d'una temptativa d'enverinament en 2004, lo financièr Mikhaïl Khodorkòvski se vegèt empresonat en 2005, la jornalista Anna Politkòvskaia moriguèt assassinada en 2006, l'ancian agent del KGB refugiat a Londres, Aleksandr Litvinenko, moriguèt enverinat, e mai recentament las cantairas de Pussy Riot foguèron empresonadas en març de 2012.
Dempuèi son eleccion ensagèt de reconstruire la poténcia e influéncia de l'anciana Union Sovietica en intervenir mai o mens dirèctament dins las politicas dels ancians païses satellits, subretot en Chechenia e mai recentament en Ucraïna, çò que generèt la crisi politica entrainada per las manifestacions proeuropèas sonadas EuroMaidan.
Segon la revista americana Forbes, en 2013 Vladímir Pótin se situava en primièra posicion de las personas mai potentas del mond.