Klaus Ebner

Un article de Wikipèdia, l'enciclopèdia liura.
Salta a la navegació Salta a la cerca
Klaus Ebner (2008)

Klaus Ebner, neishut eth 8 d'agost de 1964 en Viena (Àustria), ei un escrivan austrian de lengua alemanda e tanben un poèta en lengua catalana. Durant es ans 80 publiquèc libres informatics e en revistes literàries primeiros tèxtes cuerti e poesia. Era primeira colleccion de racontes s'editèc eth 2007.

Biografia[modificar | modificar la font]

Klaus Ebner estudièc lengües romaniques e er alemand, traductologia e economia europèa.[1] Durant es ans 80 trabalhèc per ua associacion e ua revista literària.[2] Dempús començèc ses carrières professionaus coma era traduccion, er ensenhament de lengües estrangères e era collaboracion enes projèctes informatics.[3] Durant es ans 90 er autor escriuec articles especializats e libres[4] sus logiciaus e hilats informatics.

Des dera fi des ans escolars escrivia pròsa corta, poesia e radiocomèdies.[5] Usuaument publicava en revistes literàries e culturaus. Es publicacions en revistes e antologies augmentèren a partir deth 2004.[6] Klaus Ebner ei un autor de narrativa (roman, contes e pròsa curta), assags e poesia. Escriu poesia en alemand e en catalan. Eth 2007 a recebut ua subvencion deth govèrn austriac per escríuer un ensag istoricoculturau sus eth Principat d'Andòrra.[7]

Es tèxtes de Ebner evoquen es societats multiculturals, es mentalitats, es lengües, es etnies e es credences.[8] Era tolerància e era comprenença vien mès visibles encara laguens eth dusau libre Auf der Kippe. Eth poèma "òme de papèr" a estat mencionat ath Prèmi Internacionau de Poesia Nosside. Eth jurat mencionèc era "tristesa metropolitana", representada per òme de papèr qu'a coma minjar era solitud e coma guarnicion era esperança decebuda.[9] Eth poèma catalan el perquè de tot plegat siguec mencionat ara Catalana de Lletres 2004[10], descriu er afan que sente un escrivan entà escríuer:

Catalan Occitan

escriure
vol dir foragitar
el flux ardent de dins
atreure
un glop de trencaclosques
amb llum i mil paraules
complaure
el joc de l'escrivent
que cull un do profund
escriure
atreu els cossos negres
de llengües raonades

escríuer
vò díder horabandir
eth flux ardent de laguens
atrèir
ua gorjada de trencaclosques
damb lutz e mil paraules
complàuer
eth jòc der escrivan
que coelh un don prigond
escríuer
atrè es còrssi neres
de lengües pensades

Eth 2008, Klaus Ebner arrecebec eth prèmi Wiener Werkstattpreis 2007. Eth tèxte guanhador, Der Flügel Last (Eth pes des ales), ei ua narracion sus ua mainada de sèt ans qu'a càncer. Er estil narratiu adòpte era perspectiva dera mainada. Damb er ensag guanhador Was blieb vom Weißen Ritter? (Qué demorèc deth cavalièr blanc?) represente eth roman medievau catalan Tirant lo Blanc deth valencian Joanot Martorell a un public de parlar alemand. Er autor honec era pròpria experiéncia de lector damb es hèts istorics e filologics.[11]

Klaus Ebner viu e trabalhe en Viena (Àustria) e ei membre des associacions austriaques des escrivans Grazer Autorinnen Autorenversammlung (GAV)[12] e Österreichischer Schriftstellerverband (ÖSV).

Prèmis[modificar | modificar la font]

  • 2008 Subvencion pera Literatura, deth govèrn austriac
  • 2007 Wiener Werkstattpreis 2007, prèmi principau (Viena (Àustria))
  • 2007 Subvencion de Viatge pera Literatura, deth govèrn austriac
  • 2007 Premio Internazionale di Poesia Nosside, mencion (Reggio de Calàbria)
  • 2005 Feldkircher Lyrikpreis, Prèmi de Poesia de Feldkirch (quart)
  • 2004 La Catalana de Lletres 2004, mencion e edicion deth poèma ena antologia
  • 1988 Prèmi pera Joventut dera banca Die Erste peth roman Nils
  • 1984 Prèmi de Radiocomèdia dera revista literària Texte (tercer)


Bibliografia[modificar | modificar la font]

  • Hominide («Hominidat»), raconte, FZA Verlag, Viena 2008, ISBN 978-3950229974
  • Auf der Kippe («En equilibri inestable»), pròsa corta, Arovell Verlag, Gosau (Àustria) 2008, ISBN 978-3902547675
  • Lose («Destins»), racontes, Edition Nove, Neckenmarkt (Àustria) 2007, ISBN 978-3852511979

Òbras en lengua catalana[modificar | modificar la font]

Contribucions a antologies (exemples)[modificar | modificar la font]

  • Die Stadt und das Meer (Era ciutat e era mar); assag (alemand), en: Reisenotizen, FZA Verlag, Viena 2007, ISBN 978-3950229943
  • Routiniert (Rutinàriament); narracion (alemand), en: Sexlibris, Schreiblust Verlag, Dortmund (Alemanha) 2007, ISBN 978-3980827812
  • Weinprobe (Degustacion de vin); narracion (alemand), en: Das Mädchen aus dem Wald, Lerato-Verlag, Oschersleben (Alemanha) 2006, ISBN 393888214X
  • Abflug (Arringada); narracion (alemand), en: Gedanken-Brücken, Edition Doppelpunkt, Viena 2000, ISBN 385273102X
  • Island (Islàndia); poèma (alemand), en: Vom Wort zum Buch, Edition Doppelpunkt, Viena 1997, ISBN 3852730562
  • Heimfahrt (Retornar a casa); narracion (alemand), en: Ohnmacht Kind, Boesskraut & Bernardi, Viena 1994, ISBN 3700406606
  • Träume (Sòns); pròsa (alemand), en: Junge Literatur aus Österreich 85/86, Österreichischer Bundesverlag, Viena 1986, ISBN 3215060965

Fonts[modificar | modificar la font]

  • Literarisches Leben in Österreich/Vida literària en Àustria Nº 5, IG Autorinnen Autoren, Viena 2001, ISBN 3900419299, p. 730
  • Anthologia Kaleidoskop, ed. Eleonore Zuzak, Edition Atelier, Viena 2005, ISBN 3902498013, informacion sus er autor p. 368
  • Revista literària Lichtungen Nº 109/2007, Graz 2007, ISSN 1012-4705, informacion sus er autor p. 114
  • Revista literària Literatur und Kritik Nº 397/398, Salzborg 2005, informacion sus er autor p. 111
  • Revista literària DUM (Àustria), biografia en linha
  • Revista literària Neue Sirene Nº 21, Munic 2007, ISBN 978-3000203589, ISSN 0945-9995, informacion sus er autor p. 131

Nòtes[modificar | modificar la font]

  1. Cf. era biografia en Ebner, Klaus: Auf der Kippe, Gosau 2008, p. 139.
  2. Ebner siguec autor e redactor dera revista literària vienesa Texte.
  3. Cf. era biografia en Lorenz, Dieter e Klaus Ebner: DNS-Implementierung im Windows-Netzwerk, Microsoft Press, Unterschleißheim 2004, p. 427.
  4. Escriuèc pes editoriaus Data Becker, Markt & Technik, IWT, TEWI e Microsoft Press.
  5. Per exemple er es revistes Texte (1983-1986) e Lesezirkel (20 e 27).
  6. Eth 2005 publiquèc aumens 9 tèxtes er es revistes Literarisches Österreich 2/2005, Literatur und Kritik 397/398, Lyrikzeit (ezine), Gegenwind 21, die Rampe 4/2005, Schnipsel (ezine) damb dues contribucions, Schreibkraft 12 e Volltext.net (ezine).
  7. Cf. er interviu de Christof Pelz ara pagina oficiau der autor.
  8. Per exemple es racontes Notruf, Momentaufnahme e Der Pflegling en Ebner, Klaus: Lose, Neckenmarkt 2007.
  9. Amoroso, Giuseppe: L'immaginario dei poeti del Nosside 2007 e il loro potere di esprimere il mondo, Città del Sole Editioni, ISBN 978-8873511847, Reggio Calabria 2007, p. 41 (italian), p. 49f. (espanhòu).
  10. La Catalana de Lletres, Cossetània Edicions ISBN 84-9791-098-2, Barcelona 2005, p. 40.
  11. Es dus tèxtes son publicadi en Schaden, Peter: wordshop x, FZA Verlag, Viena 2008.
  12. Cf. era fiche d'autor ara pagina dera associacion GAV.

Ligams extèrnes[modificar | modificar la font]



Suls autres projèctes Wikimèdia :