Karol G

Karol G, de son nom vertadièr Carolina Giraldo Navarro, nascuda lo 14 de febrièr de 1991 a Medellín (Colómbia) , es una cantaira espanhòla de reggaeton.

Carolina Giraldo Navarro a estudiat la musica a l'Universitat d'Antioquia en Colómbia abans d'anar a Nòva York aus Estats Units per i far una carrièra musicala. Pren per nom de scèna Karol G en 2007.

En 2013, collabòra ambe lo cantaire puertorican Nicky Jam e publica la cançon Amor De Dos, qu'obten de resson en Colómbia.

En 2014, collabòra aqueste còp ambe lo cantaire de reggaeton colombian Andy Rivera e publica la cançon Mañana.

En 2015, enregistra Ya No Te Creo, sa pròpria adaptacion de la cançon Mil Horas del grop de ròck argentin Los Abuelos de la Nada titolada Ya No Te Creo. Pauc après, collabòra ambe lo cantaire de reggaeton american De La Ghetto per la cançon Te Lo Quiero Hacer. En març de 2016, publica la cançon Casi Nada, puèi en abril de la meteissa annada, lo títol Muñeco De Lego.

En 2017, son single Ahora Me Llama, publicat ambe Bad Bunny, es tornarmai una capitada. La meteissa annada, sa cançon A Ella ven un tube en Colómbia. Ambe lo cantaire colombian de reggaeton Kevin Roldán, publica la cançon Eres mi Todo, puèi sortís lo 27 d'octobre de 2017 son album Unstoppable.

Au mes de setembre de 2018, Karol G publica lo single Culpables en duò ambe son companh de l'epòca (se son desseparats en 2021) lo cantaire de reggaeton puertorican Anuel AA. Aqueste tròç qu'anóncia l'album a venir Ocean ven un tube enòrme.

En genièr de 2019, Karol G sortís lo single Secreto que serà tanben una capitada dins los classaments sus tot lo continent american. L'album Ocean ont figura aquesta cançon sortís lo 3 de mai de 2019. D'aqueste album ne son tirats en singles en 2019 las cançons Punto G, Ocean, Love with a Quality (en duò ambe Damian 'Jr. Going' Marley, filh de Bob Marley), e sustot China (cançon collectiva ambe Anuel AA, Daddy Yankee, Ozuna e J Balvin) que ven son mai gròs succès. Enfin, en novembre de 2019 es publicat lo single Tusa en duò ambe la rapaira Nicki Minaj.

En 2020, en seguida de la capitada colossala de Tusa, dètz còps disc de platina, tube planetari quitament n°1 en Espanha e dins 16 païses d'America Latina e pel qual foguèt nominada al latin Grammy Award, Karol G comença alavetz la realizacion de son album novèl : KG0516. Aqueste sortís lo 26 de març de 2021, precedit per 3 singles : Ay, Dios Mío!, Bichota e Locacion.

En abril de 2022, sortís lo single Provenza^[1].