KV-2
Lo KV-2 es un carri pesuc sovietic desvolopat en 1939 per destrurre de fortificacions e combatre de carris pesucs. La poissança de fuòc foguèt privilegiada durant sa concepcion e lo carri foguèt equipat d'un obusier de 152 mm coma armament principau. Per lo rèsta, aviá lei caracteristicas d'un KV ordinari, es a dire un blindatge de 75 mm e un motor permetent un desplaçament teoric sus lo prat batalhier a 16 km/h[1]. A son intrada en servici, aquelei capacitats èran excepcionalas e 204 exemplaris foguèron produchs de febrier de 1940 a aost de 1941.
Au combat, lo KV-2 a laissat un imatge similar au KV-1, mai sa mobilitat pus febla limitèt mai son utilizacion. D'efiech, en causa dau pes de son canon, sa massa èra de 52 t, çò que pausava de problemas importants en 1940 per lei mecanicians. Fòrça KV-2 foguèron donc victimas de panas e abandonats per seis equipatges. De resèrvas importantas de carburant e d'obús èran tanben necessaris car la talha dau canon limitava l'autonòmia. Pasmens, en 1941, lei carris alemands èran pas capables de passar son blindatge e plusors KV-2 permetèron donc d'alentir d'unitats de la Wehrmacht. Lo cas pus famós es aqueu dau KV-2 que bloquèt solet lo passatge de la logistica destinada a la 6a Panzerdivision dins la vila de Rassaynjay durant dos jorns, lei 23 e 24 de junh de 1941. Ansin, lo KV-2 participèt a plusors combats importants dau començament de la Guèrra Germanosovietica, mai foguèt rapidament remplaçat per de modèls pus fisables.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) « Le char lourd soviétique KV-2 », L'Enthousiaste, n° 12, març de 1979, p. 32.
Nòtas e referéncias
[modificar | Modificar lo còdi]- ↑ 35 km/h sus rota.