Jusèp Loís Sans Socasau
Jusèp Loís Sans Socasau (Betren, Val d'Aran, 1956) ei un politician, professor de matematiques e militant occitanista aranés. Ei sustot coneishut com fomentador e divulgador occitanista e director dera politica lingüistica deth conselh generau dera Val d'Aran.
Politicament nacionalista aranés, occitanista e catalanista ei president d'Esquèrra Republicana Occitana (ÈRO), seccion locau deth partit catalan Esquèrra Republicana de Catalonha. Aué, ajude eth procés independentista catalan en tot demanar eth reconeishement deth het aranés e occitan laguens Catalonha. ÈRO ei ara ena coalicion damb CiU actuaments ath poder en Aran damb eth sindic Carles Barrèra Sánchez.
Participe en articles d'opinion deth jornal electronic Jornalet e ei dempús 2014 president der Institut d'Estudis Araneses-Acadèmia Aranesa dera Lengua Occitana.
Escriuèc tanben quauqui libres com Er estudi ena memòria (2007) o Occitan en Catalonha (2008).
Ei casat damb era cantaira Lúcia e era sua hilha, Alidé Sans, ei cantautora occitana tanben.
Òbres
- Er aranés, leis e estudis (1997)
- Er estudi ena memòria: quauqui aspèctes dera educacion en Les deth sègle XX (2007)
- Occitan en Catalonha (2008)