Lúcia

Lúcia Mas Garcia (Vilanova i la Geltrú, 26 de novembre de 1954) ei ua cantaira e cantautora e professora de musica aranesa. Era sua hilha, Alidé Sans, ei tanben ua cantautora occitana d'Aran.

Biografia

Lúcia neishec a Vilanova i la Geltrú (Catalonha) en 1954. Estudiec ara escòla des Escolàpies de Figueres, e un còp que acabec es estudis, comencec a trebalhar de mèstra d'adults a Vilanova. Descorbic era Val d'Aran en 1976 e a partir de 1985 comencec a cantar en occitan. En 1989 se guanhec eth prèmi dera Cançon Occitana des Valades Occitanes. Participec tanben a fòrça recitaus en divèrsi lòcs de Catalonha e d'Occitània coma per exemple Barcelona, Lhèida, Perpinhan, Bordèu, Tolosa o Nimes. Durant er estiu de 1998 hec un cors de musica aranesa ena Universitat Catalana d'Estiu de Prada de Conflent. Ei maridada damb Jusèp Loís Sans Socasau, que ocupec divèrses cargues importants tath desvolopament der occitan ara Val d'Aran e en Catalonha, e amassa an dus hilhs. En 2010 participec ath concèrt "Canto sense vergonya 2010" que se hè a Lhèida e que amasse cantaires en catalan e en occitan.

Discografia

• Petit a petit (1998)