Institut d'Estudis Araneses-Acadèmia Aranesa de la Lenga Occitana
| Institut d'Estudis Aranesi - Acadèmia aranesa dera lengua occitana | |
| |
| Informacions generalas | |
| Sigla | IEA - AALO |
| País | Espanha |
| Tip | institut lingüistic |
| Depend de | Conselh Generau d'Aran |
| Organizacion | |
| President | Jèp de Montoya |
| Membres |
|
| Sèti | Vielha e Mijaran |
| Lenga de trabalh | occitan (occitan aranés e occitan larg) |
| « sit web » | |
L’Institut d'Estudis Aranesi-Acadèmia Aranesa dera Lenga Occitana (oficialament en aranés) (var. Institut d'Estudis Araneses-Acadèmia Aranesa de la Lenga Occitana, Institut d'Estudis Aranés-Acadèmia Aranesa de la Lenga Occitana; sigla IEA-AALO o simplament l’IEA) es una institucion academica cargada de las normativas lingüisticas de la varietat aranesa de l'occitan en Val d'Aran, e l'establiment de critèris reglamentaris conformes als principis de la gramatica occitana de Loís Alibèrt e a las règlas d'ortografia en aranés.
Per tal de trobar lo temps d'agilizar las relacions e d'apasimar las friccions que poguèssen existir entre los diferents organismes que se vòlon trachar de la nòrma, l'IEA comencèt a foncionar e trabalhar a l'entorn de l'estiu de 2015.
Estatut[modificar | modificar la font]
Las normas lingüisticas del idiòma aranés son creadas segon la Lei 35/2010, del 1 d'octobre, de l'occitan, aranés a la Val d'Aran. En genièr de 2014, la Generalitat de Catalonha acòrda a l'IEA-AALO l'estatut d'acadèmia e d'autoritat lingüistica[1][2]. Son ròtle e sa constitucion foguèron ratificats institucionalament pel Parlament de Catalonha lo 24 julh de 2014 malgrat una mocion contrària del Partit Socialista de Catalonha que demandèt a l'encòp que se reconeguèsse lo CPLO coma autoritat unica per la gestion de la lenga occitana[3].
Organizacion[modificar | modificar la font]
L'IEA-AALO, qu'es presidit per l'aranés Jèp de Montoya, compta actualament dotze membres (amb son president) que d'unes son tanben membres del CPLO. Aquestes son:
|
|
Polemicas[modificar | modificar la font]
Anteriorament a sa creacion, l'institucion es ja estada criticada e atacada mantes còps per son prètzfach primièr. Aprèp la letra del senador del Congrès espanhòl Paco Boya, mandada lo 7 de febrièr de 2014 als membres de l'IEA, que declarava entre d'autras causas "Non ei era nòsta acadèmia"[4], qualque temps abans son espelida, lo 28 de junh de 2014, quatre elegits de l'estat francés (Dàvid Grosclaude, Guilhèm Latrubèssa, Belkacem Lounès e Marcel Mateu) dins una critica e ataca frontalas, escriguèron una letra al president de la Generalitat Artur Mas per demandar al govèrn catalan que reconeguèsse lo CPLO coma acadèmia unica de la lenga occitana.
La vulnerabilizacion de l'institucion contunhèt al Parlament de Catalonha per mejan d'una mocion del grop socialista que demandava de reconéisser lo CPLO coma la sola entitat gestionaira de la lenga. Aquesta obtenguèt pas pro de supòrt per prosperar quand l'IEA foguèt oficializat pel Parlament lo 24 de julh de 2014.
Referéncias[modificar | modificar la font]
- ↑ Departament de la Presidència «DECRET 12/2014, de 21 de gener, pel qual s'atorga a l'Institut d'Estudis Aranesi el caràcter d'acadèmia i d'autoritat lingüística de l'occità, llengua pròpia a Era Val d'Aran i oficial a Catalunya.». DOGC, 6546, 23-01-2014.
- ↑ «Neix l'Acadèmia aranesa de la llengua occitana». Racó Català, 12-07-2015.
- ↑ "Lo Parlament de Catalonha confirma l'autoritat de l'Institut d'Estudis Araneses coma acadèmia de l'occitan", Jornalet, 25 de julh de 2014
- ↑ "Paco Boya: "Non ei era nòsta acadèmia", Jornalet, 17 de febrièr de 2014