Julien Rochedy

Julien Rochedy, nascut en Occitània lo 10 de març de 1988 a Guilharand e las Granjas dins lo Daufinat occitan (departament d'Ardecha), es un òme politic francés d'extrèma drecha.

Milita al Front Nacional de 2006 fins a 2014 ont assumís la foncion de director nacional del Front National de la Jeunesse (FNJ) entre 2012 e 2014.

Es alavetz candidat Front Nacional a las eleccions legislativas de 2012 en França dins la novena circonscripcion de Ròse e obten 17,7 % dels sufragis exprimits.

A las eleccions municipalas de 2014, es cap de lista Front Nacional a Montelaimar en Occitània e obten 18,04 % dels sufragis exprimits. Dintra alavetz al conselh municipal de Montelaimar coma elegit d'oposicion ambe dos de sos colistièrs lo 29 de març de 2014, mas demissiona quatre meses après.

Figura en tretzena posicion sus la lista d'Aimeric Chauprade a l'escasença de las eleccions europèas de 2014 en Illa de França.

Se tira del Front Nacional a la fin de l'annada 2014, mas demòra pasmens dempuèi un activista fòrça actiu de l'extrèma drecha francesa, en particular coma videasta e sus las rets socialas.

Posicionament e presas de posicion

Sylvain Crépon, especialista de l'extrèma drecha, lo descriu coma essent influenciat per la doctrina de Carles Maurràs, quitament se el dich non pas l'èsser ; ditz pasmens a prepaus de Carles Maurràs qu'es pas antisemita, pas anti-Jusieu tanpauc, mas profèssa un « antijudaïsme pas racial ». Lo jornal francés L'Opinion lo tròba bonapartista. Fa mantuns còps referéncia dins sas videos a Friedrich Nietzsche, al qual a quitament consacrat un libre.

Sosten la candidatura d'Éric Zemmour a l'eleccion presidenciala de 2022 en França, puèi la de Marine Le Pen pel segond torn.