Josep Carbonell i Gener
Josep Carbonell i Gener (Sitges, Garraf, lo 24 de març de 1897 - 15 de julhet de 1979) foguèt un escrivan, promotor cultural e patriòta catalan. Dins sa vila fondèt e dirigiguèt qualques revistas, coma Monitor (1921) e L'Amic de les Arts en 1926. Gràcias a son amistat amb l'escrivan occitan Ismaèl Girard, en 1928 collaborèt a la Societat d'Estudis Occitans e publiquèt a l'encòp a Tolosa e a Barcelona la revista Òc. En 1932 venguèt lo cap de l'Oficina de Relacions Meridionals de la Generalitat de Catalonha e tre aquel moment entamenèt la publicacion de mantuna òbra d'autors occitans coma la Gramatica Occitana de Loís Alibèrt en 1935.
Aprèp la guerra civila espanhòla foguèt aculhit a Montreal d'Aude per Loís Alibèrt. Tre que s'acabèt lo conflicte, tornèt en Catalonha al temps qu'Alibèrt foguèt acusat de collaboracion amb lo regim de Vichei. Gardèt pr'aquò de contactes amb d'exiliats coma Josep Maria Batista i Roca e collaborèt a la creacion del Centre d'Afrairament Occitano-Catalan. Aprèp sa mòrt d'unas òbras sias foguèron publicadas per Vinyet Panyella i Balcells.
En omenatge foguèt nomenat "Fill Predilecte de Sitges" en 1975 e, dempuèi 1982 se donan a Sitges un Prèmi Josep Carbonell i Gener a d'estudiants meritoses.
Òbras
[modificar | Modificar lo còdi]- Revolució catalanista (1934, amb Josep Vicenç Foix)
- Sitges la real (1968)
- Don Josep Bonaventura Falc i el context històric de la seva època: una biografia local i una història política de les Espanyes i França contemporànies 1748-1803 1766-1808 (1976)
- Esquema històric dels sis anys napoleònics a Sitges (1980)
- Les Índies, horitzó nou: Sitges i la carrera d'Amèrica (1984)