Jean-Marc Ayrault
_(cropped).jpg)
Jean-Marc Ayrault (Maulévrier, 25 de genièr de 1950), es un òme politic francés socialista. Èra cònsol de Nantas dempuèi 1989 e deputat dempuèi 1986 e president del grop socialista a l'Assemblada Nacionala francesa dempuèi 1997 fins a çò que lo 15 de mai de 2012 venga primièr ministre del govèrn de François Hollande, president de la Republica francesa.
Biografia
[modificar | Modificar lo còdi]Jean-Marc Ayrault nasquèt a Maulévrier en 1950, filh de Joseph Ayrault, un trabalhaire agricòla abans d'èsser obrièr dins una fabrica taxtila per ne venir un dirigent, e de Georgette Uzenot, una cordurièra.
Anèt a l'escòla primària catolica Saint-Joseph de Maulévrier e, entre 1961 e 1968, estudièt al licèu public Colbert de Cholet. Aprèp estudiguèt l'alemand a la Facultat de Letras de Nantas. Entre 1969 e 1970, passèt un semestre en Alemanha, a Wurtzburg. En setembre de 1971 se maridèt amb Brigitte Terrien, professora de francés dempuèi 1974 e aprèp conselhièra generala del canton de Saint-Herblain-Ouest-Indre entre 1982 e 2001, amb que a dos filhs. Foguèt licenciat en alemand e passèt lo CAPES per èsser professor en 1972. Faguèt l'an de practicas al collègi de la Trocardière (Salvador-Allende) a Rezé e foguèt nomenat professor a Saint-Herblain al collègi de l'Angevinière en 1973.
Cap a Primièr Ministre
[modificar | Modificar lo còdi]Aprèp lo succès electoral socialista obtengut per François Hollande lo 6 de mai de 2012, Jean-Marc Ayrault apareguèt coma un dels favorits per ocupar l'emplec de Primièr Ministre malgrat la condemnacion judiciària de favoritisme. Accediguèt a aquel pòst lo 15 de mai de 2012 tot just aprèp de l'investidura d'Hollande coma president. Deguèt alara formar lo nòu govèrn, lo 35n del país e sosmetre los pretendents al nòu President de la Republica francesa l'endeman de sa designacion lo 16 de mai de 2012.
| Precedit per | Jean-Marc Ayrault | Seguit per | ||
| François Fillon |
|
Manuel Valls |