Jagdpanzer 38(t)

Un article de Wikipèdia, l'enciclopèdia liura.
Jagdpanzer 38(t) expausat dins un musèu en Canadà.

Lo Jagdpanzer 38(t), sovent dich Hetzer, es un caçaire de carris alemand de la Segonda Guèrra Mondiala.

Desvolopat a partir dau quadre dau Panzer 38(t) d'origina checoslovaqua, èra un veïcul pichon e fisable dotat d'un blindatge corrècte e d'un canon de 75 mm eficaç còntra la màger part dei blindats aliats e sovietics. Produch a 2 827 exemplaris entre març de 1944 e mai de 1945, equipava principalament lei divisions d'infantariá per li provesir un sostèn anticarri mobil. Foguèt fòrça eficaç en emboscada dins de zònas onte podiá s'escondre gràcias a sa talha pichona.

Après 1945, Checoslovaquia gardèt 300 Jagdpanzer 38(t) subrevivents, ne produguèt 180 suplementaris e n'exportèt 158 vèrs Soïssa.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]