Jacques Chirac (Jacme Chirac en occitan) es un òme politic de nacionalitat francesa nascut a París lo 29 de novembre de 1932[1] e mòrt lo 26 de setembre de 2019. Foguèt president de França de 1995 fins a 2007. Exerciguèt dos mandats, un de 1995 a 2002 (que foguèt lo darrièr septennat de la Vna Republica) e l'autre de 2002 a 2007 (que foguèt lo primièr quinquennat de la Vna Republica). Son paire Abel François Marie Chirac èra nascut a Bel Luec (dins la franja de parlar lengadocian de Lemosin) en 1898. Los Ciracs (ortogràfia originala) sortigueren de Gròs Chastanh, un pauc mai amont dins la val de Dordonha.[2]
_(cropped).jpg)
