Illas Orcadas dau Sud
Leis Illas Orcadas dau Sud son un archipèla situat a 650 km au nòrd-èst de la poncha de la Peninsula Antartica. Es un ensemble de quatre illas principalas que son dominadas per lo Mont Nivea (1 266 m). Lo clima i es fòrça dur amb solament 520 oras d'ensoralhament cada an, de temperaturas bassas que passan leugierament 0 °C durant la sason cauda e de vents poderós quasi continüs.
Istòria[modificar | Modificar lo còdi]
L'archipèla foguèt descubèrt en 1821 per lo navegaire britanic James Weddell (1787-1834) e per lei caçaires de fòcas George Powell (1794-1824) e Nathaniel Palmer (1799-1877). Pasmens, en despiech deis expedicions de caça regularas, leis illas foguèron pauc exploradas fins au passatge de l'expedicion Scotia dirigida per William Speirs Bruce (1867-1921) en 1903. En 1908, Londres proclamèt sa sobeiranetat sus l'archipèla. Pasmens, aquela revendicacion foguèt contestada en 1925 per Argentina. Uei, aquelei revendicacions son geladas per lo Tractat d'Antartida mai lei dos país mantènon d'estacions de recèrca dins l'archipèla.
Annèxas[modificar | Modificar lo còdi]
Liames intèrnes[modificar | Modificar lo còdi]
Bibliografia[modificar | Modificar lo còdi]
- (en) Maurice Schwartz, Encyclopedia of Coastal Science, Springer Science & Business Media, 2006, p. 87.