Ilhéus
Ilhéus es una vila brasilièra del litoral sud de l'Estat de Bahia. Es situada a una latitud de 14° 47' 20" sud e una longitud de 39° 02' 56" oèst, a una altitud de 52 m. Sa populacion èra estimada a 220 932 abitants en 2006. La vila ocupa una superfícia de 1841 km².
Son economia es fondada sobre l'agricultura, lo torisme e l'industria. Foguèt la pus granda productritz de cacau del mond, mas aprèp l'aparicion de la malautiá coneguda jos lo nom de vassoura de bruxa ("escoba de bruèissa", causada pel campairòl Crinipellis perniciosa) qu'infèsta las plantacions, la produccion demeniguèt. Ilhéus èra un vilatge quand foguèt fondat en 1534 puèi venguèt una vila en 1881. Es mondialament coneguda per aver servit de scenari a las novèlas de Jorge Amado coma Gabriela, Cravo e Canela.
| Superfícia | 1841 km² |
| Populacion Densitat |
220 932 (2006) 120 ab/km² |
| Jorn de fondacion | 28 de junh de 1881 |
| Altitud | 52 m |
| Latitud | 14° 47' 20" S |
| Longitud | 39° 02' 56" O |
| Distància de Salvador | 530 km |
| Còde postal | 45650-000 |
| Administracion | Prefeitura Municipal de Ilhéus Praça J.J. Seabra, s/n, Centro |
| Internet | http://www.ilheus.ba.gov.br |
| Prefècte de la vila | Valderico Reis |
