Iga de la Crosada

Un article de Wikipèdia, l'enciclopèdia liura.
Salta a la navegació Salta a la cerca


Pòrge d'intrada de l'iga de la Crosada

L'iga de la Crosada se situa sul Causse de Gramat, en Carcin, dins lo departament d'Òlt, a l'extrèm sud de la comuna de Gramat, a 350 m del limit amb Relhac, non luònh (aperaquí 100 m) de la rota D14 que religa aqueles dos vilatges.

Aquela cavitat naturala s'obrís dins la paret d'una pichona depression karstica per un abric o pòrge orientat a l'èst-nòrd-est e pagelant 6 m de naut e 2 m de larg.

Dins aquel sector, las ròcas calcàrias afloran e de dolinas nombrosas son visiblas a l'entorn. Forman una cairissa parcialament cobèrta de tèrra. La magra vegetacion se compausa de garrics, de violonièrs, de cades e de plantas espionsas (de romes e d'agranhonièrs).

Accès e risques[modificar | modificar la font]

L'intrada, en forma de cauna, es dins una proprietat privada. L'accès e lo percors presentan de perilhs pels profans en tecnicas espeleologicas, en particular, la risca de casuda mortala, sensiblament dins lo potz de 15 m de prigondor situat al cap dels 40 primièrs mètres de la galariá d'intrada.

Descripcion[modificar | modificar la font]

L'aiga a cavat l'iga dins la ròca calcària en seguissent verticalament una diaclasi d'orientacion èst-oèst. Las galariás an una largor compresa entre 1 e 10 m.

Coladas de Calcita dins la galariá d'intrada

La cavitat s'obrís a 340 m d'altitud e presenta tres estatges ligats per de poses.

  • l'estatge d'intrada se presenta jos la forma d'una cauna de 50 m de long,