Humberto Fernández Morán

Un article de Wikipèdia, l'enciclopèdia liura.
Salta a la navegació Salta a la cerca
Fotografia de Humberto Fernández Morán dins lo corrent deis annadas 1950.

Humberto Fernández Morán (18 de febrier de 1824, Maracaibo - 17 de març de 1999, Estocòlme) èra un mètge, un biofisician e un òme politic veneçolan que trabalhèt sus d'aplicacions de la micrografia electronica en neurologia. En particular, es l'inventor dau cotèu de diamant.

Fondator de l'Institut Veneçolan de Recèrcas Scientificas (« Instituto Venezolano de Investigaciones Científicas » en espanhòu), foguèt brèvament ministre de l'Educacion dau govèrn de la junta militara dirigida per Marcos Pérez Jiménez (13-22 de genier de 1958) fins a l'afondrament dau regime. Expulsat dau país, Humberto Fernández Morán s'exilèt ais Estats Units d'America. I trabalhèt ambé la NASA e plusors universitats avans d'anar en Suècia onte moriguèt.

Es famós per son invencion dau cotèu de diamant que permet de realizar de copas fòrça finas de teissuts biologics. Inventèt tanben « l'ultra microtòm ». En 1967, son trabalh foguèt guierdonat per la medalha John Scott. En Suècia, recebèt l'Òrdre reiau de l'Estela Polara.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]