Gris
 Gris | |
 | |
| Coordenadas de color | |
|---|---|
| RVB (r, v, b) | (128, 128, 128) |
| Triplet exadecimal | #808080 |
| CMJN (c, m, j, n) | (0, 0, 0, 50) |
| TSL (t, s, l) | (0°, 0%, 50%) |
Lo gris es pas una color mas una valor d'intensitat luminosa que sa percepcion per l'uèlh uman se situa entre lo blanc e lo negre.
Dins lo sistèma RVB codat sus 8 bits per canal, existisson 256 nivèls de grises possibles, las valors de roge, verd e blau devent aver de proporcions semblablas.
La valor RVB (0,0,0) essent lo negre perfèit, la valor RVB (255,255,255) essent lo blanc perfèit.
En imprimeriá, lo gris s'obten mercé a una trama imprimida amb lo negre. Lo gris percebut es en fach una illusion d'optica; s'obten per la mescla del negre de la tinta e del blanc del papièr. Es possible d'obtenir un gris amb las tres colors d'impression (cian, jaune e magenta). Mas cal dosar las proporcions de las tintas correctament.
Grises colorats
[modificar | Modificar lo còdi]En pintura, segon la proporcion dels pigments cian, magenta e jaune que los compausan, s'obten una infinitat de grises, nomenats « grises colorats », que tendon mai o mens cap a l'una d'aquela tres colors. Aquela solucion se recomanda perque la simpla mescla de negre e de blanc dona sovent un gris leugièrament blavenc.
En practica, un gris colorat s'obten en mesclant doas colors complementàrias en quantitats inegalas, que sovent cal apondre de blanc.
Simbolisme
[modificar | Modificar lo còdi]- Dins lo simbolisme occidental, lo gris es associat a la depression, la tristessa, la solitud, l'angoissa, l'embriaguesa. L'origina d'aquela simbolica ven que lo gris es una color tèrna, mièg blanc, mièg negre, color de la posca que demòra sus las causas immobilas e inèrtas, color de la mosidura, de l'estagnant.
- Al contrari, dins lo simbolisme oriental, en particular dins l'indoïsme, lo gris se considèra sacrat. Se considèra coma un equivalent de la color argentada e correspond a la color del fum de l'encens, que s'escapa cap al cèl transportant amb ela las preguièras dels òmes. Es la color simbolica associada al cinquen chakra, Vishudda.
- En astrologia pòt èsser la color simbolica associada a la planeta Mercuri.
Galariá d'èssers, causas e objèctes
[modificar | Modificar lo còdi]-
Mirga grisa -
-
-
Papagai gris de Gabon -
