Elefant
Elefant d'Africa femela, dins lo Parc Nacional de Mikumi, en Tanzania.
| Règne | Animalia |
|---|---|
| Embrancament | Chordata |
| Classa | Mammalia |
| Superòrdre | Afrotheria |
| Òrdre | Proboscidea |
| Familha | Elephantidae |
| Genre | Loxodonta / Elephas |
Lo tèrme elefant amassa los animals existissent de la familha elephantidae.
Los elefants èran d'autres còps classats dins la familha dels Pachydermata (los paquidèrmas etimologicament los animals "de pèl espessa" conten tanben los hippopotamidae, tan val direr los ipopotams) mes lo concèpte d'aquesta familha es auèi abandonat pr'amor qu'amassava bèstias d'origina filogenetica diferentas.
La familha dels elefants es actualament compausada de 2 genres:
- Loxodonta: (los elefants africans, amb 2 espècias).
- Loxodonta cyclotis (l'elefant del bòsc d'Africa)
- Loxodonta africana (l'elefant d'Africa de la savana)
- Elephas: (l'elefant asiatic, amb 1'espècia, actualament).
Los elefants son los animals terrèstres màgers e, adultes e en bona santat, n'an pas cap de predator. Son amenaçats per l'òme, encausa d'una coexisténcia de còps malaisida e de la valor de sas defensas que son expleitadas per lor evòri (que son comèrci es internacional e remplaçat ara per corosò tanben conegut com l'evòri vegetal).
La gestacion de l'elefant es mai o mens de 22 meses (la mai longa demèst los animals terrèstres) e son cervèl es un dels tres certvèls los mai desvolopats dins lo regnat viu sus Tèrra (amb los cervèls dels cetacea e dels hominidae).
Los elefants de la savana e del bòsc son d'espècias diferentas. I a agut una divergéncia entre lo mamot lanós e l'elefant d'Asia aquò fa tan longtemps coma la divergéncia entre l'òme e lo monin. L'elefant de la savana es gaireben mai grand d'un mètre que l'elefant del bòsc. Emai es dos còps mai pesuc. [1].
Per reconéisser une elefant d'Africa d'un d'Asia nos podèm espiar las aurelhas (mai pichonas en Asia) ; lo cap de la trompa (que n'i a pas qu'un dit en cò de l'elefant d'Asia) ; e la talha dels elefants (l'elefant d'Africa de la savana es lo mai grand, l'asiatic es mai pichon, e l'elefant del bòsc d'Africa es lo mai pichon[2].).https://fr.vikidia.org/wiki/%C3%89l%C3%A9phant_d'Asie
Referéncias
[modificar | Modificar lo còdi]- ↑ (fr) Deux espèces d'éléphants en Afrique, Sciences et avenir, 1999 Legir en linha. Consultat lo 3 d'abrial de 2017.
- ↑ (fr) Éléphants de la savane, de la forêt et d'asie : quelles sont leurs différences ?, Esprit Elephant, 2020 Legir en linha. Consultat lo 20 de febrièr de 2021.