Frédéric François

Un article de Wikipèdia, l'enciclopèdia liura.

Francesco Barracato, dich Frédéric François, es un cantaire francés de Belgica.

Frédéric François es d'origina italiana : es nascut lo 3 de junh de 1950 a Lercara Friddi en Sicília (Itàlia). Son paire italian emigra en Belgica dins lo bacin olhièr de Lièja, e en 1951, mentre que Frédéric François a pas qu'un an, sa maire e sos dos filhs lo rejongan a Tilleur (Belgica).

A dètz ans, canta pel primièr còp en public O sole mio dins un cafè de Tilleur frequentat per d'Italians.

En 1963, ven semi-professional coma guitarrista e cantaire dins un grop, Les Éperviers.

En 1966, intègra un grop novèl, Les Tigres Sauvages, e ganha lo Microsillon d'Argent pendent lo Festenal de Châtelet en Belgica, que lo prèmi compòrta l'enregistrament d'un 45 torns. Ganha e enregistra dos títols jol pseudonim de François Bara : Petite fille e Ne pleure pas.

En 1969, signa un contracte amb l'ostal de disques Barclay-Belgica. Enregistra la cançon Sylvie en julhet de 1969, e sortís son primièr 45 torns en çò de Barclay-Belgica amb aqueste còp lo nom de Frédéric François, en omenatge al compositor Chopin, que lo prenom complèt es Frédéric-François.

En 1970, Frédéric François enregistra un títol novèl, Jean, adaptacion de la cançon del film britanic Las Annadas Polidas del realizator Ronald Neame (1969). Aquela cançon obten una pichona capitada d'estima e permet al jove cantaire d'èsser classat pel primièr còp dins un hit parada.

En 1970, esposa Monique Vercauteren.[1] Enregistra amb ela una cançon novèla, parlada aqueste còp (e non pas cantada), I love you je t'aime. Amb 30 000 exemplars venduts d'aquel disc, I love you je t'aime es considerat coma sa primièra vertadièra capitada publica.

Son seisen 45 torns, Je n’ai jamais aimé comme je t’aime, se classa n°1 pendent 13 setmanas al hit parada de l'emission Formula J, fasent d'aquel títol sa primièra granda capitada populara.

En 1972, Je voudrais dormir près de toi se vend a 500 000 exemplars e se classa numèro 4 en França. A partir d'aquel moment, Frédéric François ven l'un dels cantaires franceses los mai populars de sa generacion pendent un vintenat d'annadas (fins a la debuta de las annadas 90) amb de tubes memorables coma Laisse-moi vivre ma vie (1972), Chicago (1975), Mon cœur te dis je t'aime (1984), Je t'aime à l'italienne (1985), Une nuit ne suffit pas (1988), Qui de nous deux (1989), C'est toi qui part (1990), Est-ce que tu es seule ce soir (1991) etc.

Frédéric François canta en quatre lengas, mai que mai en francés e, solide, en italian. Es considerat coma l'un dels cantaires de Belgica los mai populars, lo Belga qu'a vendut lo mai de disques après Jacques Brel e Salvatore Adamo.[2]

Cançons mai conegudas[modificar | Modificar lo còdi]

  • I love you je t'aime (1970, en duò ambe son esposa Monique Vercauteren)
  • Je n’ai jamais aimé comme je t’aime (1972)
  • Je voudrais dormir près de toi (1972)
  • Laisse-moi vivre ma vie (1972)
  • Quand vient le soir on se retrouve (1973)
  • Un chant d’amour, un chant d’été (1973)
  • Viens te perdre dans mes bras (1973)
  • Si je te demande (1974)
  • Il est déjà trop tard (1974)
  • Tant que je vivrai (1974)
  • Mal, tu me fais mal (1975)
  • Chicago (1975)
  • Maintenant que tu es loin de moi (1975)
  • Fanny Fanny (1976)
  • San Francisco (1976)
  • On comprend toujours quand c’est trop tard (1977)
  • De Venise à Capri (1977)
  • Belle, tu es belle (1977)
  • Sois romantique (1978)
  • Au dancing de mon cœur (1978)
  • On s'embrasse et on oublie tout (1984)
  • Mon cœur te dis je t'aime (1984)
  • Une femme pour toute la vie (1985)
  • Je t'aime à l'italienne (1985)
  • L'aimer encore (1986)
  • Une nuit ne suffit pas (1988)
  • L'amour s'en va, l'amour revient (1988)
  • Qui de nous deux (1989)
  • C'est toi qui part (1990)
  • Est-ce que tu es seule ce soir (1991)
  • Je me battrai pour elle (1991)
  • Je ne te suffis pas (1992)
  • Bleu Méditerranée (1992)
  • L'amour c'est la musique (1993)

Referéncias[modificar | Modificar lo còdi]

  1. https://www.reportagesphotos.fr/people/1811-on-a-tout-essaye-frederic-francois-parle-avec-emotion-de-sa-femme-monique/
  2. https://france3-regions.francetvinfo.fr/paris-ile-de-france/paris/frederic-francois-invite-de-boulevard-de-la-seine-2545728.html