Faidit

Los faidits son de cavalièrs e senhors lengadocians que se trapèron despossedits de sos feus e de sas tèrras pendent la crosada dels Albigeses. Èran partit dins la resisténcia occitana menada contra l'occupacion e l'establiment dels crosats venguts del nòrd.

Los senhors lengadocians qu'èran punits de faidiment o podían èsser per doas rasons.
O èran de cresents catars e doncas colpables dirèctament d'eretgia, o refusavan de far aleujança als caps de la crosada, çò que ne fasiá (al vejaire dels crosats) de protectors d'eretics (çò qu'èra per qualques uns vertadièr: de perfèits e perfèitas essent a vegada de membres de la lor familha).
Un senhor o cavalièr punit de faidiment aviá la seunas tèrras mesas en presa e doncas se las podián far confiscar pels crosats. Fòrça faidits percaçats s'escapèron e prenguèron una part activa dins la resisténcia a l'occupacion d'Occitània pels crosats.

L'avenidor d'aqueles cavalièrs foguèt fòrça diferent. D'efècte, demoravan pas necessàriament faidit a vida.
Qualques un moriguèron per sas tèrras o s'exilièron a la cort del rei d'Aragon, coma Geraud de Niòrt un temps. D'autres cerquèron tanben a far la patz amb la Glèisa Catolica Romana per recuperar las tèrras e sos dreches en escambi de promessas de combatre los eretics a son torn o alara de venir crosat en Tèrra Santa coma foguèt lo cas, per exemple, d'Olivièr de Tèrme, de Bernart Aton de Niòrt (qu'anèt fins a Roma se far absòlvre pel Papa...).

D'entre los faidits celèbres, i a : Ramon VI de Tolosa e lo seu filh Raymond VII, Ramon Trencavel, Pèire Rogièr de Mirapeis, lo defensaire de Montsegur e Olivièr de Tèrme.

Lista dels « faidits »

Fòrça noms de cavalièrs e senhors faidits son coneguts mas pas totes d'entre eles i a:

• Pèire Ramon d'Argens (Faidit del temps de Simon de Montfòrt)
• Chabèrt de Barbairan
• Jordan de Cabaret
• Pèire Rogièr de Cabaret
• Beranguièr de Cucunhan
• Pèire de Cucunhan
• Guiraud de Gordon
• Bernart Jordan de l'Illa de Baish
• Guilhèm Unaud de Lantar
• Guiraud Unaud de Lantar
• Jordan Unaud de Lantar
• Ramon Unaud de Lantar
• Raol de Laura
• Guilhèm de Menèrba
• Pons de Mirabèl
• Arnaud Rogièr de Mirapeis
• Pèire Rogièr de Mirapeis
• Aimeric de Montlaur
• Osíl de Morlhon
• Geraud de Niòrt
• Bernart Aton de Niòrt
• Guilhèm de Niòrt
• Ramond de Ròcafuèlh (Niòrt)
• Guiraud de Pepius
• Raimon de Perelha
• Guilhèm du Puèg (de Podio) .
• Sicard de Puèglaurenç
• Pelfòrt de Rabastens
• Ramon Sans de Rabat
• Augièr de Rabat
• Aimeric de Ròcafòrt (Aimeric de Montreal)
• Pèire Geraud de Rotièr
• Olivièr de Tèrme
• Ramon VI de Tolosa
• Ramon VII de Tolosa
• Ramon II Trencavel
• Guiraud Amièl de Vilalièr
• Arnaud de Vilamur