Expedicion de Lewis e Clark

L'Expedicion de Lewis e Clark (en anglés: Lewis and Clark Expedition), tanben coneguda en anglés per Corps of Discovery (Còrs de descobriment), foguèt la primièra exploracion estatsunidenca a traversar la partida occidentala de çò qu'es ara los Estats Units fins a l'Ocean Pacific e tornar, entre mai de 1804 e setembre de 1806.

L'expedicion foguèt comanditada pel president Thomas Jefferson après la venda de Loïsiana en 1803, per trobar una rota cap a l'oèst, e i establir una preséncia americana abans que la Grand Bretanha, Espanha, o Russia o faguèsse. La campanha aviá mantun objectius segondaris: l'estudi e lo catalogatge de las plantas, animals e de la geografia de la zòna, e l'establiment de relacions amicalas amb las tribús nativas localas. En 1806 l'expedicion tornèt a St. Louis, Missouri, per portar sas tròbas a Jefferson. Fòrça de sas mapas, istòrias e jornals an subreviscut e representan uèi de testimònis inestimables de çò qu'èra l'America del Nòrd a aquesta epòca.