Esteban Terradas i Illa

Esteban Terradas i Illa (15 de setembre de 1883, Barcelona - 9 de mai de 1950, Madrid) es un matematician e un engenhaire catalan de la premiera mitat dau sègle XX.

Nascut a Barcelona, venguèt doctor en matematicas e en fisica en 1904 avans de començar una carriera de professor a l'Universitat de Barcelona. I ensenhèt principalament lei matematicas aplicadas a la fisica e publiquèt plusors articles sus lo subjècte. S'interessèt donc fòrça a la mecanica quantica e a la relativitat. Organizèt ansin la venguda a Barcelona de plusors scientifics de remarca coma Jacques Hadamard, Hermann Weyl, Arnold Sommerfeld, Tullio Levi-Civita ò Albert Einstein,

En parallèl, a partir de 1918, participèt a divèrsei grops d'engenhariá cargats de desvolopar Catalonha, especialament dins lo domeni dau camin de fèrre. Dins leis ans 1940, i foguèt cargat de melhorar la produccion d'electricitat e lei rets telefonics. Puei, en 1942, creèt l'Institut Nacionau dei Tecnologias Aeronauticas en Espanha (après sa mòrt, aquela institucion prenguèt son nom).

Liames intèrnes

• Matematicas.