1328

1328
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1325 1326 1327  1328  1329 1330 1331 Decennis : 1290 1300 1310  1320  1330 1340 1350 Sègles : xii  Sègle XIV  Sègle XV Millennis : Millenni I  Millenni II  Millenni III Autres calendièrs : Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1328 del calendièr gregorian.

Eveniments

Euròpa

Empèri Bizantin

Representacion d'Andronic III Paleòleg.

Après una annada de tension, una crisi novèla acomencèt tornarmai entre l'emperaire Andronic II Paleòleg (1282-1328) e son felen, e coemperaire, Andronic III Paleòleg. Aquò comencèt en Tessalonica ambé la revòuta de la vila (junh) que jonhèt lo camp d'Andronic III. Sensa sostèn après lo refús dei Sèrbes, Andronic II capitèt d'obtenir un cambiament d'aliança dei Bulgars qu'èran inicialament dins lo camp de son rivau. Pasmens, aqueu succès diplomatic foguèt provisòri car Andronic III bloquèt l'invasion e restaurèt son aliança ambé lei Bulgars. Poguèt ansin se dirigir vèrs Constantinòple que foguèt dubèrta per sei partisans.

Andronic II Paleòleg perdiguèt son tròne e venguèt monge fins a sa mòrt en 1332. Son rèine foguèt l'objècte de criticas negativas en causa de l'afebliment de l'Empèri que perdiguèt son estatut de poissança regionala. Pasmens, leis avejaires deis istorians modèrnes son pus nuançats en causa deis escomessas gigantescs de tenir per l'emperaire durant la quasi totalitat de son rèine. Dins aquò, sa decision de dissòuvre l'armada e la flòta es generalament largament condamnada car empachèt de protegir lei províncias asiaticas. Son felen Andronic III Paleòleg (1328-1341) li succediguèt.

Principat de Moscòu

Viatge dau prince Ivan a la Cort dau khan de l'Òrda d'Aur. Aquò li permetèt d'obtenir lo títol de Grand Prince de Vladimir e lo drech de collectar leis impòsts per lo khan. Aquò foguèt una etapa importanta dins l'emergéncia de la poissança de Moscòu en Russia. D'efèct, permetèt a Ivan de desviar una partida deis impòsts per finançar la sieuna politica e divèrsei senhors ò vilas (coma lo principat d'Uglich tre 1328) se placèron sota sa senhoriá per èsser protegits còntra lei collèctas (→ 1338, → 1340).

Africa

Etiopia

Après tres annadas de tensions en Africa Orientala entraïnadas per la represa dei persecucions còntra lei còptes per lei Mamelocs d'Egipte, lo Sultanat d'Ifat, sostengut per lei Mamelocs, assaièt d'organizar una coalicion larga d'estats musulmans còntra Etiopia. Pasmens, la repòsta dau negus Amda Seyon I^èr (1314-1344) foguèt pus rapida e sei tropas conquistèron aisament Ifat e Fatajar. Per assegurar son contraròtle sus la region, Amba Seyon remplacèt lo sultan Haqq-ed-Din per son fraire Sabr-ed-Din que reconoguèt la senhoriá etiopiana.

Asia

Majapahit

Representacion supausada de Gajah Mada.

Assassinat dau rèi Jayanegara siá en causa d'una venjança de son mètge siá en causa d'un complòt de Gajah Mada. Foguèt remplaçat per sa sòrre Tribhuwana Wijayatunggadewi, sostenguda per Gajah Mada que venguèt premier ministre.