Renaissença

La Renaissença (var. Renaishença/Reneishença) es lo nom de l'epòca artistica (e culturala) que fa lo començament de l'Edat Modèrna. Lo tèrme ven de l'òbra de Giorgio Vasari intitulada Vidas de pintors, escultors e arquitèctes famoses, publicada en 1570, mas fins al sègle XIX aqueste concèpte recep pas una interpretacion istoricoartistica granda. Ça que la, Vasari aviá formulat una idèa determinanta, la naissença novèla de l'art grèc e roman antics, que presupausava una consciéncia istorica individuala granda, un fenomèn completament novèl dins l'actitud espiritual dels artistas. En fach, la Renaissença romp conscientament amb la tradicion artistica de l'Edat Mejana, que qualifica, amb mesprètz plen, d'estil de barbars o de gòts. Amb la meteissa consciéncia, s'opausa a l'art contemporanèu del Nòrd d'Euròpa. Del punt de vista de l'evolucion artistica generala d'Euròpa, la Renaissença significa una rompedura amb l'unitat estilistica que fins a aquel moment èra estada supranacionala.

S'admet correntament que la Renaissença artistica comença en Itàlia al sègle XV e puèi se difusa dins la rèsta del continent, a de ritmes e de grases divèrses segon la geografia. Se perlonga al sègle XVI, qu'atenh alavetz son apogèu dins de païses nombroses. La Renaissença constituís pas un retorn enrè: las tecnicas novèlas, lo novèl contèxte politic, social e scientific permeton als artistas d'innovar. Pel primièr còp l'art penètra dins l'esfèra privada: las òbras son pas solament comandadas pel poder religiós o secular, senon entran dins los ostals borgeses.

Artistas importants de la Renaissença

• Fra Angelico
• Giotto
• Hieronymus Bosch
• Pieter Brueghel lo Vièlh
• Pieter Brueghel lo Jove
• Jan Brueghel lo Vièlh
• Jan Brueghel lo Jove
• Filippo Brunelleschi
• Donatello
• Sandro Botticelli
• Albrecht Dürer
• Miquèl Angel
• Rafèu
• Leonardo da Vinci
• Jan van Eyck
• Rogier van der Weyden
• Palestrina, compositor e musician italian
• Tomás Luis de Victoria, compositor e musician castelhan
• Ginés Pérez de la Parra, compositor e musician valencian

Ligams

• Society for Renaissance Studies