Espírito Santo (Brasil)
| |||
| capitala populacion (an) |
Vitória 313 312 abitants (2005) | ||
| |||
| Governador | Paulo Hartung (PMDB) | ||
| Vicegovernador | Ricardo Ferraço (PMDB) | ||
| Superfícia | 45 597 km² | ||
| Populacion | 3 408 365 (2005) | ||
| Densitat | 67,21 ab./km² | ||
| Pagina oficiala | http://www.es.gov.br | ||
Espírito Santo es un estat de la Region Sud-Èst de Brasil. Confronta l'estat de Bahia al nòrd, Minas Gerais a l'oèst, e Rio de Janeiro al sud. Es bordat per l'Ocean Atlantic a l'èst.
Istòria
[modificar | Modificar lo còdi]Abans l'epòca coloniala, lo parçan èra poblat de Tupis: los Botocudos, a l'interior, los Goitacás, sus la còsta (que resistiguèron a la colonizacion los primièrs) e d'autres.
Lo portugués Vasco Fernandes Coutinho desembarquèt lo 23 de mai de 1535 sus çò qu'es ara la plaja de Vila Velha, ont creèt lo primièr punt de pòblament. Coma èra una setmana après Pentacosta, donèt al parçan lo nom d'Esperit Sant.
Fondèron la vila de l'Esperit Sant (Vila do Espírito Santo, uèi Vila Velha) e comencèron de cultivar lo milh.
Après un periòde d'invasions (de francés, neerlandés, corsaris...) lo parçan foguèt un temps en bèla part abandonat e la capitanariá de l'Esperit Sant foguèt annexada a la de Bahia.
Geografia
[modificar | Modificar lo còdi]La superfícia totala de l'estat (45 597 km²) es similara a la d'Estònia. Lo punt culminant de l'estat es lo Pico da Bandeira, amb 2890 m d'altitud.
