Esclarmonda

Un article de Wikipèdia, l'enciclopèdia liura.

Esclarmonda es un prenom femenin occitan.

Origina[modificar | Modificar lo còdi]

La primièra Esclarmonda coneguda foguèt Esclarmonda de Fois, filha de Rogièr Bernat Ièr de Fois e Cecília de Besièrs, principala defensora del catarisme. Segon lo trobador Guilhèm Montanhagòl, lo nom de Esclarmonda significa aquela qui balha claretat, esclar dins lo mond.[1] En aquel sens, aquela interpretacion se pòt tanben ligar a la doctrina catara, que la lutz e la puresa son d'elements destacats per lo dessús de l'escuretat e l'ombra.

Autras variantas: Esclarmunda, Esclaramunda.

Difusion[modificar | Modificar lo còdi]

Pendent l'edat mejana foguèt un prenom abitual entre las dònas de la noblesa de la Corona d'Aragon e los estats d'Occitània, mas malgrat que s'escampèt per autres estaments mai basses arribèt pas a se consolidar coma prenom popular en occitan al delà de l'edat mejana. Totun, en catalan malhorquin donèt luòc al nom comun, uèi arcaïc, de esclamonda: femna qu'òbra baujament, sens entendement.[2]

Versions en d'autrəs lengas :

Jules Massenet dins lo sègle XIX compausèt un opèra fòrça celèbre amb aquel nom Esclarmonde. D'autre biais, lo cantaire occitan Patric faguèt una cançon consacrada a Esclarmonda de Fois apelada Esclarmonda.

Festa onomastica[modificar | Modificar lo còdi]

La celebracion onomastica catolica del prenom Esclarmonda es lo 22 d'octubre en onor de la beata mercedària Esclarmonda de Fois, reina consòrt de Malhòrca.

Istòria[modificar | Modificar lo còdi]

Referéncias[modificar | Modificar lo còdi]

  1. Le troubadour Guilhem Montanhagol Collectiu, pàg 132. http://books.google.com/books?id=WYoFo3TSIfoC&pg=PA132&lpg=PA132&dq=%22N'Esclarmunda,+vostre+noms+signifia+Que+vos+donatz+clardat+al+mon+per+ver+Et+etz+monda%22&source=bl&ots=F8lDuhqf_I&sig=CY0mbjNM1C_q0ZfiaeLKVa4xsE4&hl=en&ei=4gm3TseqDsfh8AOQnrWMBQ&sa=X&oi=book_result&ct=result&resnum=1&ved=0CCUQ6AEwAA#v=onepage&q=%22N'Esclarmunda%2C%20vostre%20noms%20signifia%20Que%20vos%20donatz%20clardat%20al%20mon%20per%20ver%20Et%20etz%20monda%22&f=false
  2. https://web.archive.org/web/20040826061207/http://dcvb.iecat.net/