Eric Rei Bèthvéder

Un article de Wikipèdia, l'enciclopèdia liura.
Salta a la navegació Salta a la cerca

Eric Rei Bèthvéder, (en francés : Éric Rey-Bèthbéder) neishut a Dacs en 1966, qu'ei un escrivan e poèta bearnés d'expression occitana.

Que publiquè un recuelh de novèlas literàrias, dab lo son hrair Nicolau Rei Bèthvéder, en 2002, titolat : Blanc e Roi. Qu'ei tanben l'autor d'un libe de poesias, en 2006, titolat Lescar drom. Los dus libes que son editats en çò de Reclams.

Qu'estó tanben lo president de l'Institut Occitan (In'Òc) de Vilhèra de 2007 a 2012.

Qu'estudiè Istòria a Pau, puish Sciéncias Politicas a Bordèu. Qu'ei tanben diplomat de l'E.N.A. de París. Qu'ei adara vice-president deu tribunau administratiu de Pau.