Empèri de Vijayanagar
|
Empèri de Vijayanagar | |
|---|---|
 | |
| La peninsula indiana e l'Empèri de Vijayanagar vèrs 1520 | |
| Caracteristicas | |
| Region: | Sud d'Índia |
| Epòca: | 1336-1646 |
| Lengas: | cannada, telogo |
| Capitala: | Vijayanagar |
L'Empèri de Vijayanagar (ò tanben reiaume de Bisnagar[1]) fuguèt un estat indian situat dins lo sud de la peninsula e dins una partida de la region de Deccan.
Istòria[modificar | modificar la font]
Se formèt en 1336 après una revòuta indoïsta menada còntra de princes musulmans e venguèt un estat poderós capable de s'opausar ais armadas dei sultans musulmans dau nòrd e dau sud d'Índia. Aquela poissança s'acabèt en 1565 quand sei fòrças fuguèron anientadas per una coalicion d'estats dau centre de la peninsula. Causèt una crisi de succession e una fragmentacion de l'Empèri que dispareguèt definitivament en 1646.
L'eiretatge culturau de l'Empèri de Vijayanagar es fòrça important en causa de la promoccion de l'indoïsme coma factor d'unitat dau sud d'Índia còntra lei sultanats dirigits per de senhors musulmans. De mai, unei produccions culturalas d'aquela epòca son totjorn coneguts a l'ora d'ara especialament dins lei domenis de l'arquitectura ò de la literatura.