Elvira Rawson de Dellepiane
Elvira Rawson de Dellepiane (19 d'abriu de 1867 - 4 de junh de 1954) èra una militanta feminista argentina que foguèt la premiera frema dau país de venir mètge.
Nascuda en Junín dins la província de Buenos Aires, fasiá partida d'una familha d'intellectuaus reconeguts e poguèt ansin intrar a l'Universitat de Buenos Aires. I acabèt d'estudis de medecina lo 29 de setembre de 1892. Un an pus tard, se maridèt ambé lo doctor Manuel Dellepiane. Lo pareu aguèt sèt enfants.
Orientèt sa carriera vèrs la promoccion dei reglas d'igiena femeninas e faguèt partida dau Departament Nacionau d'Igiena de 1907 a 1918 e au Conseu Nacionau d'Educacion de 1919 a 1934. En parallèl, a partir deis annadas 1900, jonhèt de movements feministas. En particular, participèt a la fondacion dau Centre Feminista en 1905 avans de defendre la creacion d'un còdi civiu per lei fremas en 1910. Demorèt una figura importanta dau movement feminista argentina e internacionau fins a sa mòrt.