Dominique Nicolas
Dominique Nicolas, o Dominik Nicolas, es un musician e un compositor pop ròck francés nascut lo 5 de julhet de 1958 a París (França). Es conegut per èsser estat lo guitarrista del grop Indochine entre 1981 e 1994, grop eissit del movement new wave que ne foguèt lo compositor màger a n'aquesta periòda. Es donc l'autor de cançons vengudas de tubes en França dins las annadas 1980 coma L'Aventurier, 3e sexe, Trois nuits par semaine, Tes yeux noirs, Les Tzars o encara Canary Bay.
A sortit lo 25 de mai de 2015 son primièr album sòlo entitolat La Beauté de l'idée, anonciat prealablament per la publicacion de la video de sa cançon Underground en novembre de 2014. Aqueste album es estat tornamai publicat en 2022.[1]
Dominique Nicolas demòra a l'ora d'ara en Occitània, mai precisament dins lo Lemosin (en Corresa) ; a d'alhors d'originas nòrd-lemosinas per son paire. [2]
Referéncias[modificar | Modificar lo còdi]
- ↑ Dominik Nicolas : « J’espère rejouer sur scène, pourquoi pas avec Indochine » https://www.ouest-france.fr/culture/musiques/entretien-dominik-nicolas-j-espere-rejouer-sur-scene-pourquoi-pas-avec-indochine-dbce5e54-f7ad-11ec-9081-e9c3cdc26fd6
- ↑ Dominik Nicolas, cofondateur et compositeur des débuts du groupe Indochine, est installé en Corrèze https://www.lepopulaire.fr/limoges-87000/loisirs/dominik-nicolas-cofondateur-et-compositeur-des-debuts-du-groupe-indochine-est-installe-en-correze_11517977/