Dannii Minogue

Dannii Minogue (2016)

Danielle Jane "Dannii" Minogue (Melbourne, 20 d'octobre de 1971), es una cantaira, modèla, dançaira e actritz australiana. Es la sòrre de la cantaira Kylie Minogue.

Es coneguda coma actritz a la television australiana dempuèi las annadas 1980. Dins las annadas 1990, sus las traças de sa sòrre Kylie, comença una carrièra de cantaira pop. Fòrça populara en Austràlia e al Reialme Unit, es sustot coneguda en Occitània per son tube pop-dance I begin to wonder en 2003.

Es nascuda a Melbourne, dins l'estat de Victòria, mas son paire es d'una familha d'origina irlandesa, e sa maire d'origina galesa. Dannii Minogue es estada maridada pendent una annada (1994-1995) a l'actor australian Julian McMahon e a agut après tres relacions seriosas, una ambe lo pilòt canadian de Formula 1 Jacques Villeneuve, una autra ambe Craig Logan, ancian sòci del grop anglés Bros, e una autra encara entre 2008 e 2012 ambe lo jogaire de rugbi Kris Smith.