Daniel Jones (fonetician)

Un article de Wikipèdia, l'enciclopèdia liura.
Salta a la navegació Salta a la cerca

Daniel Jones (Londres, 12 de setembre de 18814 de decembre de 1967) foguèt un lingüista e fonetician anglés, famós per sa contribucion fondamentala dins la transcripcion fonetica de la lenga anglesa e sa popularizacion. Jones, qu'èra estat escolan del lingüista francés Paul Passy, foguèt lo cap del Departament de Fonetica de l'University College de Londres fins a sa retirada en 1949. Escriguèt l'English Pronouncing Dictionary que servís encara dempuèi mai de 90 ans de libre de referéncia de la prononciacion anglesa estandard.

Biografia[modificar | modificar la font]

Daniel Jones nasquèt a Londres en 1881 dins una familha amonedada de notables del país. Son paire, qu'èra un avocat famós, èra estat un dels fondadors de l'All England Tennis Club de Wimbledon. Aprèp d'èsser anat a una escòla privada (en anglés: preparatory school), estudièt al Radley College a Abingdon (Berkshire). Mai tard dintrèt a l'University College School al nòrd-oèst de Londres. Un pauc mai tard partiguèt al King's College, ont estudièt las matematicas. S'i diplomèt amb distincion en 1903. Aviá estudiat tanben lo drech per satisfar la volontat de son paire mas arribèt pas jamai a exercir lo mestièr d'avocat que durant sos viatges sul continent europèu durant divèrses estius s'èra descobèrt una passion per las lengas e subretot la varietat dels sons.

Aital partiguèt estudiar la lenga alemanda a Marburg e venguèt l'estudiant de William Tilly, un erudit excentric d'origina australiana, qu'exerciguèt una influéncia prigonda sus la vocacion de Jones. En 1904 se faguèt membre de l'Associacion Fonetica Internacionala Phonetic Association e tre 1905 assistiguèt als corses que Paul Paasy a l'École des Hautes Études a París.

Òbras[modificar | modificar la font]

  • A Chart of English Speech Sounds, with key-words and notes (1908)
  • The Pronunciation of English (1909)
  • An Outline of English Phonetics. With appendices on types of phonetic transcription and American pronounciation
  • On the Pronunciation and Orthography of the Chindau Language (1911)
  • Examination Papers in Phonetics (1919)
  • The Problem of a National Script for India (1942)
  • Dhe Fonetik Aspekt ov Speling Reform (1944)
  • Phonetic Readings in English (1955)