Creu Casas
Creu Casas i Sicart (26 d'abriu de 1913, Barcelona - 20 de mai de 2007, Barcelona) es una biologista, una botanista e una cercaira en farmacologia catalana dau sègle XX.
Diplomada en farmacologia de l'Universitat de Barcelona, comencèt de s'interessar a la botanica a partir deis ans 1940 e acabèt una tèsi dins lo domeni en 1951. A partir de l'annada seguenta, comencèt de collaborar ambé Valentine Sélitzky per estudiar lei briòfits que son de plantas pròchas dei premiers vegetaus terrèstres. En parallèl, ensenhèt a l'Universitat de Barcelona. Durant sa vida, recebèt plusors prèmis scientifics e participèt a la fondacion d'estructuras per estendre la recèrca sus lei briòfits. Capitèt tanben de reünir un erbari ambé mai de 55 000 espècias.
Entre sei publicacions pus importantas, se pòu citar la Flora dels Briòfits dels Països Catalans (vol. I, 2001 ; vol. II, 2004) e lo Handbook of mosses of the Iberian Peninsula and the Balearic Islands (2006).