Congrès del Parlament Francés
Lo Congrès del Parlament o Congrès de Versalhas es, en França, la reünion al castèl de Versalhas de las doas cambras del Parlament, l'Assemblada nacionala (cambra bassa) e lo Senat (cambra nauta), que tenon sesilha abitualament a París. Aquelas reünions an per objècte lo vòte d'una revision de la constitucion e, dempuèi 2008, l'audicion d'una declaracion del president de la Republica; jos la Tresena e la Quatrena Republica, servissiá tanben a elegir lo president de la Republica.
Composicion e sesilha del Congrès del Parlement
[modificar | Modificar lo còdi]Lo Congrès se constituís dels deputats e senadors reünits dins la Sala del Congrès, dins l'ala del Miègjorn del castèl de Versalhas (comprenent tanben la Galariá de las batalhas), o prèp de 25 000 m2 (dos tèrç per l'Assemblada nacionala e un tèrç pel Senat). [1]
Los parlamentaris i son plaças non pas en foncion de lor partit (coma es lo cas dins los emicicles de caduna d'ambedoas cambras), mas per òrdre alfabetic[2]. Segon la Constitucion, lo Burèl del Congrès es aquel de l'Assemblada nacionala[3]
Revision constitucionala
[modificar | Modificar lo còdi]La revision de la Constitucion segon l'article 89 pòt s'iniciar pels deputats o senators (proposicion de revision), o pel President de la Republica sus proposicion del Primièr ministre (projècte de revision). Pas cap de proposicion de revision constitucionela capitèt fin ara.
La procedura normala de revision, segon lo tèxte de l'article 89, es lo referendum. Pasmens, dins lo cas d'un projècte de revision, lo president de la Republica pòt recorir a une procedura mai sopla t mai leugièra: lo vòte del Congrès. Reünits a Versalhas, los parlamentaris devon aprovar lo projècte de revision a la majoritat dels tres cinquens. Lo cap d'Estat promulga la lei constitucionala dins los quinze jorns.
Messatges del President de la Republica
[modificar | Modificar lo còdi]Dempuèi la lei constitucionala del 23 de julhet de 2008, lo cap d'Estat pòt s'adreçar en parlant al Parlament reünit en Congrès. Foguèt organizat pel primièr còp lo 22 de junh de 2009 per la presa de paraula de Nicolas Sarkozy.
Istòria
[modificar | Modificar lo còdi]Lo Parlament a Versalhas abans la Cinquena Republica
[modificar | Modificar lo còdi]Es a Versalhas que nasquèt la cambra bassa quand, lo 20 de junh de 1789, los 577 deputats del Tèrç Estat als Estats generals se reüniguèron pel jurament del Juòc de pauma, que vendra l'Assemblada constituenta. Mas lo 12 d'octobre, l'Assemblada decretèt son transferiment a París per seguit lo rei Loís XVI, menat al palais de las Teulariás. La darrièra sesilha a Versalhas se tenguèt lo 15 d'octobre de 1789.
Aprèp la desfacha de la Guèrra Francoalemanda en 1871 una Assemblada nacionala tenguèt sesilha lo 1é de febrièr a Bordèu. Jonguèt Versalhas per s'aprochar de París, pasmens sens i demorar, per paur des Comuna. La primièra sesilha se tenguèt lo 20 de març de 1871 dins la sala de l'Opèra de castèl.
Es atal que s'installèron las institucions de la Tresena Republica. L'establiment del bicamerisme demandava que las doas cambras dispausen de la lor sala. Lo 26 de mai de 1875 l'Ala del miègjorn foguèt atribuïda a la Cambra dels deputats e la Sala de l'opèra al Senat. La reünion de las doas cambras se faguèt dins la sala de la carrièra de la Bibliotèca.
Mas l parlament tadèt pas a tornar a París per la sesilhas ordinàrias. La lei del 22 de julhet fixa los novèls sètis que son le Palais Borbon per la Cambra dels deputats e lo Palais del Luxemborg pel Senat. La lei precisa pasmens que los ancians luòcs de Versalhass demòran a la disposicion de las doas cambras.
Alara, Versalhas foguèt utilizat pel Congrès sonque per la revision de la Constitucion e l'eleccion del President de la Republica. Aquela darrièra occasion foguèt abandonada amb l'instauracion en 1958 de la Cinquena Republica que lo President es elegit per un Collègi électoral de grands electors (puèi al sufragi universal dirècte aprèp 1962). La darrièra elecdion presidenciala al Congrès es aquala de René Coty en 1953.
Reünions del Congrès jos la Cinquena Republica
[modificar | Modificar lo còdi]Dempuèi l'instauracion de la Cinquena Republica, lo Congrès se reüniguèt 17 còps, que 16 per adoptar una revision de la Constitucion[4] e un còp per una declaracion del president de la Republica [5].
Fonts
[modificar | Modificar lo còdi]Nòtas e referéncias
[modificar | Modificar lo còdi]- ↑ (fr)Ordonnance n°58-1100 du 17 novembre 1958 relative au fonctionnement des assemblées parlementaires, JORF n°269 du 18 novembre 1958, p. 10335–10336.
- ↑ (fr)Le droit constitutionnel de la Ve République; Michel Lascombe, ed.L'Harmattan
- ↑ "reglement"(fr)Reglament del Congrès
- ↑ (fr)http://www.assemblee-nationale.fr/connaissance/revision.asp La révision de la Constitution et le Congrès; ed. Assemblée nationale.
- ↑ (fr)Décret du 11 juin 2009 réunissant le Congrès par application de l'article 18 de la Constitution, JORF n°134 del 12 de junh de 2009, p. 9561.
Bibliografia
[modificar | Modificar lo còdi]- (fr)Rapport tendant à mettre à la disposition du public les locaux dits du Congrès, au Château de Versailles; Pascal Clément, 5 d'abril de 2005; ed. Assemblée nationale]]
- Le patrimoine du Parlement vol 2; Clotilde Brégeau (dir), Nathalie de Beco, Marie-Hélène Bersani, Odile Caffin-Carcy, Yves Carli; pref.Philippe Séguin; Charenton-le-Pont; ed. Flohic; 1996
Annèxes
[modificar | Modificar lo còdi]Ligams extèrne
[modificar | Modificar lo còdi]- (fr)Las reünions del Congrès del Parlzment e lo reglament del Congrès (site de l'Assemblada nacionala)