Concani
|
Concani
| |
|---|---|
| Parlat en | Índia |
| Regions | Asia |
| Parlat per | 2 300 000 personas |
| Familha lingüistica | lengas indoeuropèas indoiranian indoarian sud concani |
| Estatut oficial | |
| Lenga oficiala de | Goa |
| ISO 639-3 | gom (en) |
Lo concani (o konkani) es una lenga indoariana parlada en Índia.
Localisacion e dialèctes[modificar | modificar la font]
En Índia, lo concani es la lenga oficiala e principala de l'estat de Goa. la lenga es tamben parlada dins los estats vesins de Maharashtra, Karnataka e Kerala. Los concanis que vivon defòra de Goa son subretot los descendents d'aquels qu'an daissat Goa al sègle XVI, après la conquista portuguesa[1].
Lo concani, en granda part a causa de son istòria coloniala, es separat en dialèctes, que correspondon mai que mai als grops religioses[2]. A Goa, lo konkani indo es lo dialècte dominant. Lo long de las còstas de Karnataka e de Kerala lo konkani saraswat, es parlat tamben per d'indos. Existís tamben un dialècte cristian de Karnataka. Dins los ancians territòris portugueses, son parlats los dialèctes cristians de Bardes e de Saxtti.
La lenga es pas encara vertadièrament estandardizada. Lo dialècte indo de Goa tend a venir la norma. Mas la question de l'escritura es pas resolguda, qu'a Goa s'escriu amb lo devanagari, mentre que de cristians escriven amb l'alfabet latin. La causida del parlar de Goa, significa tamben lo regèt dels portiguismas dins lo lexic, per los remplaçar per de tèrmes manlevats al sanscrit[3].
Classificacion[modificar | modificar la font]
Lo concani fa partida de las lengas indoarianas del sud, una branca de las lengas indoarianas, que fan partida de la familha indoeuropèa.
Referéncias[modificar | modificar la font]
- ↑ Miranda 2007, p. 803.
- ↑ Lo « concani de Maharashtra » ten un còdi ISO 639-3 diferenciat, knn.
- ↑ Miranda 2007, p. 810-812.
Fonts[modificar | modificar la font]
- (en) Rocky V. Miranda, 2007, Konkani, dins The Indo-Aryan Languages, George Cardona, Danesh Jain (eds.) p. 803-846, Routledge language family series, Londres, Taylor & Francis.
