Clara Campoamor
Clara Campoamor (12 de febrier de 1888, Madrid - 30 d'abriu de 1972, Lausana) èra una frema politica feminista espanhòla.
Originària d'una familha obriera, comencèt de trabalhar coma corduriera avans de venir foncionari e de poder s'inscriure a l'Universitat de Madrid. Foguèt activa au sen de plusors organizacions feministas. En 1931, foguèt elegida a l'assemblada constituenta en despiech d'un drech de vòte encara reservats unicament ais òmes. Capitèt d'i obtenir l'inscripcion de l'egalitat entre òmes e fremas mai perdiguèt son sètge en 1933. Puei, s'exilèt en 1936 au començament de la Guèrra Civila. Moriguèt en Soïssa en 1972 mai son còrs foguèt repatriat quauqueis annadas après la fin de la dictatura franquista.