Rupicapra rupicapra

Rupicapra rupicapra

Sarri

Classificacion

Règne	Animalia
Embrancament	Chordata
Classa	Mammalia
Infraclassa	Eutheria
Coòrta	Laurasiatheria
Òrdre	Cetartiodactyla
Sosòrdre	Ruminantia
Familha	Bovidae
Sosfamilha	Caprinae
Genre	Rupicapra

Nom binominal

Rupicapra rupicapra
(Linnaeus, 1758)

Sosespècias de reng inferior

• Rupicapra rupicapra asiatica
• Rupicapra rupicapra caucasica
• Rupicapra rupicapra balcanica
• Rupicapra rupicapra carpatica
• Rupicapra rupicapra rupicapra
• Rupicapra rupicapra tatrica

Estatut de conservacion UICN

LC  : Preocupacion menora

Lo sarri o isard o chamoç (var. camoç) (Rupicapra rupicapra) es un bovid de la sosfamilha dels Caprinae (aquela de las chabras e de las feas), que se tròba dins los Alps e los Pirenèus e dins d'autres territòris montanhòls d'Euròpa, coma dins la Cordilhiera Cantabrica, los Carpats e Caucàs. Quauques autors classifican los exemplars pirinencs e cantabrics coma una espècia a despart, Rupicapra pyrenaica, mas aquò s'admet pas dins tota la comunautat scientifica internacionala.

Nom

En occitan, i a d'usatges preferencials per nommar l'animal segon las montanhas:

• Dins los Alps occitans dison pus sovent chamoç o camoç (chamoç en zona de cha coma lo vivaroaupenc e pus generalament lo nòrd-occitan; camoç en zona de ca coma lo niçard e pus generalament los dialèctes dau sud).
• Dins los Pirenèus occitans dison puslèu sarri o isard.

Totas aquestas formas son corrèctas e legitimas en occitan larg.

D'autras lengas an de formas pròchas de l'occitan:

• catalan: isard
• aragonés: sarrio, chizard(o), sisardo, ixarzo
• francoprovençal: chamôs
• italian: camoscio
• espanhòl: gamuza, sarrio, rebeco
• francés: chamois, isard
• anglés: chamois
• basc: sarrio.