Camin de fèrre d'Aurigny
Lo camin de fèrre d'Aurigny es una linha de camin de fèrre creada en 1847 sus l'illa anglonormanda d'Aurigny. L'unica linha mesura environ 3 quilomètres de long e bordeja lo mai sovent la còsta.
Istoric
[modificar | Modificar lo còdi]Lo camin de fèrre d'Aurigny foguèt construgut pel govèrn britanic dins las annadas 1840 e inaugurat en 1847. Son but inicial èra de transportar de pèiras de la carrièra de Mannez situada a l'extremitat nòrd-orientala de l'illa, près del far de Mannez, per construire una diga brisa-lamas pel pòrt de Braye situat sus la còsta occidentala d'Aurigny just al nòrd de la vila de Sainte-Anne e l'edificacion de fòrts. Catòrze vagons podián transportar tres tonas e mièja de ròcas.
De 1854 e fins a 1923, la via ferrada es gerida per l'Amirautat britanica.
De 1923 a 1940, es la companhiá del granit dels illas Normandas (Channel Islands Granite Co Ltd) qu'en pren la direccion.
De 1940 a 1945, l'illa es ocupada per las fòrças alemandas. Aquestas desmantèlan la via estrecha e installan una via normala. Lo vièlh material rotlant es expedit a Cherbourg.
De 1945 a las annadas 1970, la linha es gerida pel British Home Office. La via es renovada e de novèl material rotlant es portat.
En febrièr de 1978, la Companhiá del camin de fèrre d'Aurigny (Alderney Railway Co Ltd) es creada afin de contunhar l'espleitacion de la linha sul plan toristic ambe la creacion d'un musèu atenent. Lo material es compausat de trens desclassats del mètro de Londres datant de 1959.
Nòtas e referéncias
[modificar | Modificar lo còdi]- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Chemin de fer d'Aurigny ».
Vejatz tanben
[modificar | Modificar lo còdi]| Sus d'autres projècte de Wikimedia: | |
 |
Commons (Galariá) |
|
Commons (Categoria)  Modèl:Commonscat/categories
|
Articles ligats
[modificar | Modificar lo còdi]Ligams extèrnes
[modificar | Modificar lo còdi]- (en) Site oficial