Cònsol màger
Aparéncia
Lo cònsol màger o lo primièr/-ier/-èir/-èr cònsol o simplament lo cònsol ['kɔnsul ('kɔnsu, 'kɔⁿsul, 'kɔⁿsu, 'kɔsu)]), e al femenin la consolessa màger o la primièra/-iera/-èira/-èra consolessa o la consolessa, es una persona en carga d'un municipi o una comuna. Representa l'organ monocratic plaçat a la cima de l'autoritat territoriala locala de basa que, dins los diferents païses, ten de noms diferents: comuna, municipi, municipalitat, vila, ciutat, etc. Segon las règlas de cada Estat, lo cònsol màger es elegit dirèctament pels ciutadans o abitants, o ben indirèctament pel conselh municipal; excepcionalament es designat per l'Estat central.
Variantas dialectalas
[modificar | modificar lo còdi]- Cònsol (fem. consolessa) ─ es la forma plus conservatriz e referenciala de la lenga occitana, segon Domergue Sumien.[1] Coneis pasmens qualques variacions foneticas:
- [kɔnsul], dins una partida del lengadocian.
- [ˈkɔnsu, ˈkɔⁿsu], dins mantuns dialèctes, e mai lo lengadocian.
- [ˈkɔsu], es una varianta de pronóncia populara.
- D'aquel meteis mot resultan atal diferentas grafias qu'adòptan una pronóncia locala: cònse, conse.
- Baile (fem. bailessa) – Forma pròpria de la Val d'Aran – ven del latin baiŭlus [sègle xiii, sul modèl del francés ancian baillie][2] ─ dirigís l'administracion locala per un mandat de 5 ans.
- Séndic* ─ Fòrma pròrpia de las Valadas Occitanas (en italian: sindaco).
Articles connèxes
[modificar | modificar lo còdi]Nòtas e referéncias
[modificar | modificar lo còdi]- ↑ «Cònsol» (en occitan). opinion.jornalet.com.
- ↑ «Baile | Diccionari der aranés» (en oc, ca).