Breeders

The Breeders, o de còps simplament Breeders, es un grop anglofòn d'America de ròck independent, originari de Dayton dins Ohio (Estats Units). A la debuta, lo grop foguèt fondat en 1988 per doas dròllas, Kim Deal, la bassista dels Pixies, e Tanya Donelly, la guitarrista dels Throwing Muses, los Pixies e los Throwing Muse essent a l'epòca dos dels grops demest los mai influents de la scèna ròck locala de Boston de la fin de las annadas 1980.

The Breeders es compausat de Kim Deal (cant, guitarra), de Kelley Deal (la sòrre bessona de Kim, que remplaça a la guitarra Tanya Donelly), de Josephine Wiggs (bassa) e de Jim Macpherson (batariá). Las Breeders son sustot conegudas en Occitània e endacòm mai pel tube Cannonball a la fin de 1993 e a la debuta de 1994.^[1]

Breeders significa reproductors / reproductritz en anglés : es un tèrme ironic emplegat per la comunautat omosexuala anglofòna per designar los eterosexuals.

Lo títol Firestarter, un dels mai coneguts del grop de musica electronica anglés The Prodigy, es basat sus un escapolon de l'instrumental S.O.S. de Las Breeders.