Pixies

Un article de Wikipèdia, l'enciclopèdia liura.
Pixies sus l'empont en 2004. Frank Black a esquèrra, Kim Deal a drecha

Pixies [ˈpɪksiz] (Las Fadas, o Los Fadets) es un grop anglofòn de ròck independent american, originari de Boston dins lo Massachusetts (Estats Units).

Format en 1986, lo grop se separa en genièr de 1993 : a n'aquel periòde, la bassista dels Pixies, Kim Deal, comença d'aver de succès ambe son pròpri grop que n'es la cantaira e guitarrista, The Breeders, que privilegia logicament al detriment dels Pixies que n'es pas qu'una simpla musiciana.

Los Pixies se tornan formar en 2004.[1]

Pixies es un grop compausat a l'origina del cantaire e guitarrista Black Francis (nascut Charles Thompson, dich Frank Black entre 1993 e 2006), de Kim Deal (bassa e cant, remplaçada per Kim Shattuck puèi en 2013 per Paz Lenchantin), de Joey Santiago (guitarra) e de David Lovering (batariá).

Los Pixies an agut pauc de succès als Estats Units, malgrat que grop sia emblematic de la scèna ròck locala de Boston. Per contra, son venguts plan populars en Euròpa.

La musica dels Pixies s'inspira del punk ròck e de la surf music de las annadas 1960. Las cançons son escrichas per Black Francis, lo cantaire e guitarrista del grop. Sos tèxtes son escurs e sovent surrealistes.

Lo grop a pr'aquò agut d'influéncia sul mitan del ròck independent american de la debuta de las annadas 1990, e aital es considerat coma l'un dels genitors del movement grunge. D'alhors, lo menaire del grop Nirvana, Kurt Cobain, cita los Pixies demest las influéncias principalas de son grop.

La cançon la mai coneguda de Pixies es probablament Where Is My Mind?. Enregistrat en 1988, Where Is My Mind? es devengut un tròç culte del ròck de las annadas 2000[2] ambe lo filme de 1999, Fight club, dins lo qual se pòt ausir. Es tanben una cançon represa sovent sus l'empont per Placebo.

Discografia[modificar | Modificar lo còdi]

  • 1988 : Surfer Rosa
  • 1989 : Doolittle
  • 1990 : Bossanova
  • 1991 : Trompe le Monde
  • 2014 : Indie Cindy[3]
  • 2016 : Head Carrier[4]
  • 2019 : Beneath the Eyrie
  • 2022 : Doggerel

Referéncias[modificar | Modificar lo còdi]

  1. https://www.lesinrocks.com/musique/pixies-on-sefforce-detre-reglos-en-affaires-501963-29-09-2022/
  2. http://www.chartsinfrance.net/Pixies/Where-Is-My-Mind--s27571.html
  3. http://www.chartsinfrance.net/Pixies/Indie-Cindy-a120122950.html
  4. http://www.chartsinfrance.net/Pixies/Head-Carrier-a122519974.html