Blat negre

Un article de Wikipèdia, l'enciclopèdia liura.
Anar a : navigacion, Recercar

Lo blat negre o fajòl (Fagopyrum esculentum Moench) es una planta de flors annala de la familha de las Poligonacèas cultivada per sas granas consomidas en alimentacion umana e animala.

Malgrat son nom, es pas una espècia del genre Triticum (genre amassant las varietats de blat), e tanpauc una graminèa. Es deprovesit de glutèn, çò que fa difficil de l'utilizar en panificacion o per la confeccion de las pastas. Es pasmens ligat a las cerealas – pasmens se ne fa pas pertit al vejaire botanic – o qualificat de pseudocereala[1].

Es utilisable dins la confeccion de produchs destinats a las personas intolerantes al glutèn. Pasmens, depuèi abril de 2012 (7n Congrès francofòn d’allergologia), lo blat negre fa partit dels nòus aliments a rics d'anafilaxia alimentari sevèr[2].

Descripcion[modificar | modificar la font]

Flors

Planta annala de tija quilhada, de 20 a 70 cm de naut, amb fuèlhas en forma de còr capvirat, puslèu mòla.

Las fuèlhas superioras son sessilas alara que las fuèlhas inferioras an un petiòl pro long.

Las flors, pichonas, de color blanca o ròsa, son gropadas en rasims quichats. Pòrtan uèit etaminas e tres pistils.

Coma dins las autras espècias del genre Fagopyrum, existís doas morfologias floralas: son d'espècias distilicas.

Los fruchs son d'aquènis de tres angles, que contenon una sola grana. Lor maturacion es plan escalonada, çò que fa la culhida puslèu delicata.

Ricas en proteïnas, contenon totes lo aminoacids essencials[3], mai, possedisson fòrça proprietats per l'alimentacion.

Es una grana plan fortament nutritiva, en mai ric en fibras solublas e en compausats antioxidants.

Blat negre (Fagopyrum sagittatum) en flors

Distribucion[modificar | modificar la font]

La planta es originària de l'Asia del Nòrd-Èst. Mercé a d'analisis genetics su de populacions fèrras e cultivadas, lo professor Ohmi Ohnishi, especializat en genetica agricòla a l’Universitat de Kyoto, mòstra que la region d'origina del Fagopyrum Esculentum ssp. ancestrale es la val del riu de Tongyi, dins la província del Sichuan en China. Foguèt sonque dins un segond temps qu’auriá migrat cap a a region de San Jiang, pauc abans sa domesticacion[4]. Mai tard, s'espandiguèt per la la cultura en Orient Extrèma, subretot, Corèa e Japon, e en Euròpa al sègle XIV.

Autrescòps fòrça cultivat dins las regions de sols paures, coma las estepas de Mongolia, e acids, en Euròpa del Nòrd, en Polonha, en Russia, en America del Nòrd, en França (Bretanha, Normandia) e en Occitània (Auvèrnhe, Lemosin, Pirenèus, Roergue), lo blat negre es uèi una cultura en via de desapareisson en França (las minotariás importan de blat negre de China), mas demora un dels plats preferits dins los païses d'Euròpa de l'Èst e del Nòrd. Se consomí bolhit exactament coma lo ris.

Produccion[modificar | modificar la font]

Produccion de blat negre en tonnes[5]'[6]
País/Annada 2010 2011 2012 2013
Bandièra : RussiaRussia 339 293 23 % 800 375 35 % 796 511 35 % 833 936 36 %
Bandièra de la Republica populara de China China 500 000 34 % 680 000 30 % 700 000 31 % 733 000 31 %
Bandièra : UcraïnaUcraïna 133 700 9 % 281 600 12 % 238 700 10 % 179 020 8 %
Bandièra : FrançaFrança 125 900 9 % 91 400 4 % 105 000 5 % 154 800 7 %
Bandièra : PolonhaPolonha 97 220 7 % 92 985 4 % 94 421 4 % 90 874 4 %
Bandièra dels Estats Units Estats Units 82 615 6 % 79 554 4 % 82 000 4 % 81 000 3 %
Bandièra : BrasilBrasil 56 700 4 % 57 000 3 % 60 000 3 % 62 000 3 %
Bandièra : CazacstanCazacstan 26 960 2 % 37 430 2 % 48 040 2 % 68 000 3 %
Bandièra del Japon Japon 29 700 2 % 32 000 1 % 44 600 2 % 33 400 1 %
Bandièra : BielorussiaBielorussia 18 400 1 % 44 471 2 % 39 328 2 % 30 353 1 %
Bandièra : LituàniaLituània 14 000 1 % 26 000 1 % 30 600 1 % 28 200 1 %
Autres païses 33 713 2 % 45 041 2 % 51 238 2 % 53 225 2 %
Mond 1 457 971 100 % 2 267 621 100 % 2 287 877 100 % 2 347 558 100 %

Cultura[modificar | modificar la font]

Semenada a la mitat de mai o començament de julhet en França (fins a agost dins lo Japon subtropical o coma cobèrt vegetal), per evitar las geladas que tolèra pas. Lo blat negre es una planta demandant de calor per una levada rapida e unifòrma (en una setmana) e fòrça umiditat. Lo blat negre se culhís entre la mitat de setembre e la mitat d'octobre. Sa particularitat es de pas madurar uniformament, las pèrdas pòdon donc èsser importantas a la sèga, subretot a la meissonaira-bateira. Los rendements varian de 0 a 25 quintals secs per un cicle de 2 a 5 meses. Son desvolopament se fa en 3 fasas, levada, estagnacion puèi explosion e començament esimultanèu de la florason fins a la sèga.

La cultura del balt negre aparéis dins los sistèms agraris en Bretanha, en Normandia[7], dins la Somme[8] o la Nauta Vinhana[9] al sègle XVI. En França, la cultura gaireben despareguè (lo blat negre cobrissiá 700 000 ectaras en França al sègle XIX e 160 000 ectaras en Bretanha a la mitat dels ans 1960, lo manca en coire dins los sols[10] fasent aquela epòca impossibla la cultura de las cerealas levat lo segal[11]), remplaçada per l'òrdi, lo blat e lo milh, mai rendables dins un sistèma de fertilizacion intensiva. Los marges pòdon pasmens èsser similars a l'ectara a causa de son itinerari 0 intrants. La FAO indica que 30000 ectars son cultivats en França[12].

Dempuèi las annadas, lo blat negre es totjorn mai cultivat pels agricultors practicant l'agricultura de conservacion. Son fòrt poder cobrissent, sa capacitat a far disponible de formas de fosfòr del sol ne fan un palnta d'interés, per exeple dins los cobèrts interculturas (CIPAN).

Utilizacion[modificar | modificar la font]

Granas de blat negre derrusticadas per la consomacion
Alimentacion umana
Las granas son consomidas en Polonha (gryka o kasza gryczana), Russia e Ucraïna (grechka o grechnevaïa kacha e fòrça d'autres plats).
La farina, que lo gost leugièrament amar remembra l'avelana, es utilizada per realizar de galetas e de pescajons, subretot en Bretanha, en Corresa, dins lo Cantal e la region de lièja. Los blinis verais son fach per mitat amb de farina de blat negre e l'autra de froment. Banhada de burre fondut e de crèma fresca, constituisson un repais de basa a l'èst de la Polonha d'abant la Segonda Guèrra mondiala.
La farina de blat negre es tanben emplegada dins las preparacions de pastas japonesas (soba), de coscós (couscous au blé noir) o de farinetas (kacha consomida al dejunat Euròpa del Nòrd). En Savòia, se'n fa los crozets, pichonas pastas carrada servida acompanhadas de Beaufort.
En China e en Índia, se'n fa una bièrra tradicionala, lo chang.
Alimentacion animala
Lo blat negre (granas o ferratge) pòt èsser utilizat per l'alimentacion animala[13].
Lo blat negre es tanben mellifèr[14][15].
Utilizacion de las tecas
Tradicionalament, coma en Corèa del Sud e al Japon, la nòse (o teca) se recòbra e netejada. Es utilizada coma emborrada dels coissins. La teca de blat negre pòt tanben èsser utilizada coma palhatge de platabanda en òrt.

Comèrci[modificar | modificar la font]

En 2014, la França es neta importatriça de blat negre, segon las doanas francesas. Lo prètz a la tona l'impòrt èra de ≈ 470Modèl:Euro[16].

Espècias vesinas[modificar | modificar la font]

D'autras espècias del genre Fagopyrum son tanben cultivadas, coma:

  • Fagopyrum tataricum, lo blat negre de Tartaria;
  • Fagopyrum emarginatum, lo blat negre de Nepal.

Bibliografia[modificar | modificar la font]

  • Jean-Jacques Hemardinquer, « Recherches sur l'introduction et la diffusion du sarrasin notamment en Lyonnais et Bas-Dauphiné »", Bulletin philologique et historique (jusqu'à 1610) du Comité des travaux historiques et scientifiques, 1964, p. 307-318
  • Michel Nassiet, « La diffusion du blé noir en France à l'époque moderne », Histoire et sociétés rurales, n° 9, 1998
  • Isabelle Vouette, Millet, panis, sarrasin, maïs et sorgho : les menus grains dans les systèmes agricoles anciens (France, milieu du XVIe siècle - milieu du XIXe siècle), thèse d'histoire, Université Paris-Diderot - Paris 7, 2008, 619 p.
  • Patrick Harismendy, « La crêpe, la galette, la saucisse (... et le tourisme) » dans L’assiette du touriste, le goût de l’authentique, Presses universitaires de Rennes & Presses universitaires François-Rabelais, 2013, p. 139‑162
  • Alain-Gilles Chaussat, « Une autre région du sarrasin : le bocage normand (XVe-XXe siècle) » dans Andrieux Jean-Yves et Harismendy Patrick (eds.), L’assiette du touriste, le goût de l’authentique, Rennes, Presses universitaires de Rennes & Presses universitaires François-Rabelais, 2013, p. 57‑68.
  • Alain-Gilles Chaussat, « Le sarrasin : une manne pour le Domfrontais (XVIIe et XVIIIe siècle) », Bulletin Société historique et archéologique de l’Orne, 2014, vol. 132, septembre-décembre 2013, p. 111‑14
  • Alain-Gilles Chaussat et Denis Neiter, « Le sarrasin à l’épreuve du mauvais temps (XVIIIen et XIXen siècles) ». dans : Becker Karin, Moriniaux Vincent et Tabeaud Martine (dir.), L’alimentation et le temps qu’il fait. Essen und Wetter - Food and Weather, Paris, Hermann, 2015, p. 203-229.
  • Christian Ferault, « Pourquoi le Sarrasin a-t-il pratiquement disparu de nos campagnes ? », Évolution agricole, 1984, 110, p. 13-14.
  • Christian Ferault, « Le Sarrasin : une plante à redécouvrir », Cultivar, 1984, 172, p. 44-45.
  • Christian Ferault, « Le Sarrasin : une plante sans problèmes parasitaires ? », Phytoma1984, 360, p. 18-19.
  • Christian Ferault, « Le Sarrasin : itinéraire technique, obstacles rencontrés et perspectives », Agrisept, 1985, 1028, p. 30-31.
  • Christian Ferault, « Buckwheat in France since 16th century », Fagopyrum newsletter, 1987, p. 8.

Referéncias taxinomicas[modificar | modificar la font]

Referéncias[modificar | modificar la font]

  1. Page sarrasin sur le site d'Agriculture et Agroalimentaire Canada
  2. Le Monde.fr, Allergies : les nouveaux aliments à risque
  3. modèl {{Ligam web}} : paramètre « url » mancante paramètre « titre » mancant
  4. modèl {{Ligam web}} : paramètre « url » mancante paramètre « titre » mancant
  5. modèl {{Ligam web}} : paramètre « url » mancante paramètre « titre » mancant
  6. Bibl.
  7. Jean-Baptiste Jouancoux, Études pour servir à un glossaire étymologique du patois Picard, Amiens, T. Jeunet, 1880, vol. 1/2, p. 60.
  8. Petit Auguste, « Le métayage en Limousin du XIIIe au XVIe siècle », dans Bulletin de la Société archéologique et historique du Limousin, 1926, vol. 71, p. 448.
  9. (en) {{Obratge}} : paramètre titre mancant
  10. modèl {{Ligam web}} : paramètre « url » mancante paramètre « titre » mancant
  11. L’Organisation des Nations unies pour l'alimentation et l'agriculture
  12. modèl {{Ligam web}} : paramètre « url » mancante paramètre « titre » mancant
  13. modèl {{Ligam web}} : paramètre « url » mancante paramètre « titre » mancant
  14. modèl {{Ligam web}} : paramètre « url » mancante paramètre « titre » mancant
  15. modèl {{Ligam web}} : paramètre « url » mancante paramètre « titre » mancant

Ligams extèrnes[modificar | modificar la font]