Bernac
Bernac es una anciana comuna d'Agenés. En 1826 es fusionada amb Lobés dins Lobés e Bernac.
Toponimia[modificar | Modificar lo còdi]
Las fòrmas ancianas son p. de Bernaco, en latin, en 1520, p. Sancti Johannis Beati Veri (?) sive Beate Marie de Bernaco, au sègle XVII, en latin. La finala -ac marca que Bernac èra una anciana granda propietat romana, emb un nom de propietari que demanda de las precisions. Bénédicte Boyrie-Fénié recensa l'interpretacion deu nom Bernac per los toponimistas : Brennus per Dauzat, Bernus per Negre, Vernus per Grosclaude. Causís lo cognomen Vernus, atestat, que la fai escriure Vernac [1]; mès dins lo dobte, la grafia pus simpla s'impausa, d'aitant que l'isoglòssa deu betacisme (confusion de v e de b) es près e qu'a poscut camjar dempuèi lo sègle XVI. Vau mai escriure Bernac.
Referéncias[modificar | Modificar lo còdi]
- ↑ Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 161