Batalha de Châteauguay
La batalha de Châteauguay se debanèt lo 26 d'octòbre de 1813 durant la Guèrra de 1812 e opausèt leis Estats Units d'America au Reiaume Unit. S'acabèt per una victòria britanica decisiva que permetèt d'arrestar la temptativa estatsunidenca d'invasion de Canadà.
D'efèct, après unei victòrias en setembre e au començament d'octòbre de 1813, leis Estatsunidencs avián organizat una invasion de Canadà ambé doas fòrças gropant 12 000 òmes. Pasmens, la coordenacion entre aquelei fòrças èra marrida e la premiera tropa dirigida per Wade Hampton (4 000 òmes) intrèt en Canadà sensa esperar de sostèn. Lo 26 d'octòbre, se turtèt a un grop de 300 tiralhaires francofòns dirigits per Charles de Salaberry. Sostenguts per 1 500 milicians locaus, lei tiralhaires organizèron una emboscada fòrça eficaça. Incapable de comprendre l'estrategia de son adversari, Hampton imaginèt la preséncia de fòrças importantas en fàcia de sei tropas e ordonèt la retirada après quauqueis escaramochas. Perdiguèt 50 tuats e un centenau de presoniers còntra solament 4 mòrts dins lei rengs de Salaberry. De mai, sa retirada dins de condicions climaticas malaisadas entraïnèt de pèrdas suplementàrias dins l'armada estatsunidenca.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (en) Jon Latimer, 1812: War with America, Harvard University Press, 2007.