Basilica de Sant Martin de Mondoñedo
La basilica de Sant Martin de Mondoñedo, « San Martiño de Mondoñedo » en galèc, es una glèisa catolica d'arquitectura romanica situada en Galícia dins la vila de Foz. Es considerada coma la catedrala pus anciana d'Espanha e foguèt lo sèti de dos evescats dins lo corrent dau sègle IX. L'edifici actuau data principalament dau sègle XI ambé de còntrafòrts bastits au sègle XVIII. Foguèt auçada au reng de basilica menora en 2007. Es tanben classada coma ben d'interès culturau per leis autoritats espanhòlas dempuei 1931.
Sa bastida se debanèt segon tres etapas principalas :
- au sègle X, foguèron construchs lei partidas que correspondon a l'ora d'ara a la muralha sud e a una partida de la muralha nòrd. I aviá probablament un edifici religiós pus ancian a l'emplaçament de la basilica.
- au sègle XI, foguèron bastidas lei partidas centralas de l'edifici actuau.
- au sègle XII, foguèron realizadas lei darrierei partidas de l'obratge actuau, es a dire l'absida centrala e la façada oèst.
A l'origina, i aviá de pinturas sus lei muralhas que foguèron pauc a pauc cubèrtas dins lo corrent de l'Edat Mejana per de jaç de cauç.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (es) Manuel Chamoso Llepis, Victoriano González e Bernardo Regal, Galicia Románica, Encuentro Ediciones, 1979, pp. 27-37.
- (es) Ángel del Castillo, Inventario Monumental y Artístico de Galicia (Inventario de la riqueza monumental y artística de Galicia), Fundación Pedro Barrié de la Maza, 1987, pp. 335-336.
- (es) Jaime Cobreros, El Románico en España, Guías Periplo, 1993, pp. 678-682.