BRDM-2
Lo BRDM-2 es un veïcul blindat amfibí de patrolha e de reconoissença desvolopat per l'Union Sovietica e intrat en servici en 1962. Sa concepcion deviá permetre de resòuvre lei problemas e lei limits observats sus lo BRDM-1 (abséncia de proteccion NBC, de vision nocturna ò de torèla e sistèmas d'observacion tròp limitats). La poissança de fuòc foguèt tanben aumentada ambé l'adopcion d'una mitralhaira de 14,5 mm. 7 200 unitats son estats produchs entre 1962 e 1989 e lo veïcul foguèt fòrça exportat dins lo blòt de l'Èst, en Asia e en Africa. Mai d'una varianta foguèt creada principalament amb de modificacions regardament lei sistèmas de comunicacion e d'armament.