Aurélie Filippetti

Un article de Wikipèdia, l'enciclopèdia liura.
Anar a : navigacion, Recercar
Aurelie Filippetti, 2007

Aurélie Filippetti, nascuda lo 17 de junh de 1973 a Villerupt[1] (Meurthe e Mosèla), es una femna politica e romancièra francesa.

Membre del Partit Socialista, èra deputada de la 8a circonscripcion de Mosèla (junh de 2007), e pòrtaparaula del grop socialista à l'Assemblada Nacionala. Lo 16 de mai de 2012, foguèt nomenada Ministra de la Cultura e de la Comunicacion.

Biografia[modificar | modificar la font]

Originas e estudis[modificar | modificar la font]

Filha d'Angelo Filippetti (1938-1992), ancian minaire de fons, cònsol màger del comunista d'Audun-le-Tiche de 1983 a 1992 e conselhièr general, e pichona filha d'immigrats italians[2], Aurélie Filippetti conta dins un primièr roman, en 2003, Los Darrièrs Jorns de la classa obrièra, cossi son grand paire, resistent, foguèt arrestat per la Gestapo al fons de la mina, puèi deportat en camp de concentracion amb sos dos fraires. Evòca tanben la memòria obrièra e le sentiment de desclassament del monde obrièr aprèp la tancadura de las minas e de las usinas siderurgicas en Lorena.

Anciana escolana de l'Escòla Normala Superiora de Fontenay-Saint-Cloud, es agregada de letras classicas[3] e, abans la politica, ensenhava coma professora de letras al licèu Pasteur de Neuilly-sur-Seine[4].

Parcors politic[modificar | modificar la font]

Aderiguèt als Verds, puèi venguèt membre del cabinet d'Yves Cochet, ministre de l'Environament. A las eleccions municipalas de 2001, foguèt elegida conselhièra del 5n arrondiment de París[5]. Cap de lista dels Verds al primièr torn, obtenguèt 13,75 % dels vòtes[6]. E obtenguèt 6,55 % dels vòtes dins la 2a circonscripcion de París a las legislativas de 2002[7]. Venguèt membre del secretariat executiu dels Verds-París en març de 2003 e pòrtaparaula[8].

Aprèp un refús d'investitura dins la circonscripcion de Longwy pel CNIR dels Verds[9], daissèt los Verds a la fin d'octobre de 2006.

En novembre de 2006, se liguèt al PS e l'equipa de campanha de Ségolène Royal[10], candidata a l'eleccion presidenciala de 2007, coma conselhièra especiala (environament, cultura, educacion, tèmas de societat).

En mai de 2007, foguèt investida pels militants socialistas de la 8a circonscripcion de Mosèla que lo deputat PS sortent Jean-Marie Aubron se presentava pas[11]. Foguèt elegida lo 17 de junh de 2007 amb 50,96 % dels vòtes.

Aurélie Filippetti foguèt pòrtaparaula puèi vicepresidenta de la Convencion per la Seisena Republica[12] puèi del corrent pro-Royal « L'Espèr a esquèrra »[13].

Foguèt presidenta del conselh d'administracion del Festenal internacional del documentari de Marselha[14].

Sostenguèt François Hollande per la primària presidenciala socialista de 2011 e aprèp la victòria d'aquel, integrèt l'equipa de campanha, encargada de la Cultura.

A la nominacion del govèrn de Jean-Marc Ayrault, lo 16 de mai de 2012, venguèt ministra de la Cultura e de la Comunicacion. Lo 2 d'abrial de 2014, dins lo govèrn de Manuel Valls es totjorn ministra de la Cultura.

Òbras[modificar | modificar la font]

  • 2003 : Los Darrièrs Jorns de la classa obrièra
  • 2006 : Un òme dins la pòcha
  • 2008 : L'ecòla forma encora de ciutadans ?, amb Xavier Darcos

Nòtas e referéncias[modificar | modificar la font]

  1. Aurélie Filipetti sur assemblee-nationale.fr
  2. Biografia d'Angel e Tommaso Filippetti dins (fr) Dictionnaire biographique du mouvement ouvrier, mouvement social de mai 1940 à Mai 1968, tome 5, pp. 205 à 207, ed: Éditions de l'Atelier, 2009. En linha: Angel Filippetti e Tommaso Filippetti
  3. (fr)[url=http://www.politique.net/2007111903-portrait-aurelie-filippetti.htm Aurélie Filippetti, pus pròcha conselhièra de Ségolène Royal] sul site politique.net, 19 novembre 2007
  4. [1]
  5. 1èr de març de 2001- 1èr de mai de 2007.
  6. Document-pdf.svg [pdf] (fr) [http://www.paris.fr/portail/viewmultimediadocument?multimediadocument-id=48489 Eleccions municipalas dels 11 e 18 de març de 2001 sus paris.fr.
  7. Document-pdf.svg [pdf] (fr) Eleccions legislativas dels 9 e 16 de junh de 2007 sul site=paris.fr
  8. Blòg de Jean-Marc Pasquet.
  9. « Presentacion d'Aurélie Filippeti » dins Libération del 13 de decembre de 2006.
  10. Article de L'Humanité 30 de novembre de 2006.
  11. Sylvia Zappi, « Aurélie Filippetti, retorn a la mina », Le Monde, 2 de junh de 2007.
  12. Comunicat del Conselh Federal de la Convencion per la Seisena Republica.
  13. Als costats de Manuel Valls, Jean-Louis Bianco, Delphine Batho, Pascal Terrasse, Julien Dray, Jean-Jack Queyranne, Gaëtan Gorce, David Assouline, François Rebsamen, Louis Mermaz, Gérard Collomb, Jean-Noël Guerini, Gilles Savary, Jean-Pierre Mignard e Malek Boutih.
  14. Aurélie Filippetti, site de campanha de François Hollande, 2012.

Vejatz tanben[modificar | modificar la font]

Ligams extèrne[modificar | modificar la font]